ខែនេះ ថៃ នឹងចែកលុយពលរដ្ឋអាយុលើស១៦ឆ្នាំ ម្នាក់ ២៩៥ដុល្លារអាមេរិក

នៅចុងខែនេះ រដ្ឋាភិបាលថៃ នឹងចាប់ផ្តើមចែកសាច់ប្រាក់ចំនួន១០ ០០០បាត (២៩៥ដុល្លារអាមេរិក) ដល់ប្រជាពលរដ្ឋម្នាក់ៗដែលមានអាយុលើសពី១៦ឆ្នាំ។

ការចែកនេះ គឺស្ថិតក្រោមកម្មវិធីកាបូបលុយឌីជីថល ដែលនឹងត្រូវចំណាយប្រាក់អស់សរុប៤.២៨ពាន់លានដុល្លារ ជាមួយគោលបំណងជំរុញការអភិវឌ្ឍរយៈពេលខ្លី និងគាំទ្រដល់ក្រុមមនុស្សដែលងាយរងគ្រោះ ហើយវាជាសន្យាក្នុងអំឡុងយុទ្ធនាការឃោសនាបោះឆ្នោតរបស់គណបក្សភឿថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតតែថៃបានផ្លាស់ប្តូរនាយករដ្ឋមន្ត្រីក៏ដោយ ប៉ុន្តែប្រមុខដឹកនាំថ្មីគឺលោកស្រី ផែថងថាន ស៊ីណាវ៉ាត្រា បញ្ជាក់ថា កម្មវិធីនឹងនៅតែបន្ត ខណៈមនុស្សសរុបចំនួន៣២លាននាក់ បានចុះឈ្មោះចូលរួមក្នុងកម្មវិធីនេះ។

សូមបញ្ជាក់ជាថ្មី ប្រជាជនថៃអាយុ១៦ឆ្នាំឡើងប្រហែល៥០លាននាក់ គឺមានសិទ្ធិទទួលបានប្រាក់ម្នាក់ ១០ ០០០បាត ក្រោមគម្រោងកាបូបលុយឌីជីថល ដែលលោក សេដ្ឋា ថាវីស៊ីន បានសន្យា ក្នុងយុទ្ធនាការឃោសនាបោះឆ្នោតរបស់គណបក្សភឿថៃ។ 

កម្មវិធីនេះ ត្រូវគេមើលឃើញថា ជាមូលដ្ឋានគ្រឹះនៅក្នុងផែនការរបស់ប្រទេសថៃ ដើម្បីស្តារសេដ្ឋកិច្ចរបស់ខ្លួនឡើងវិញ ដែលមានកំណើនត្រឹមតែ ២.៣% ប៉ុណ្ណោះនៅក្នុងត្រីមាសទីពីរនៃឆ្នាំ២០២៤៕

អត្ថបទ៖ សុខ សុវណ្ណ

ចុចអាន៖ ថៃ នៅតែបន្តគោលនយោបាយចែកលុយម្នាក់ ១ម៉ឺនបាត ទោះដូរនាយករដ្ឋមន្ត្រី