ព័ត៌មានអន្ដរជាតិ
សាលារៀនជិត១ពាន់កន្លែងនៅថៃ និងវៀតណាម រងការបំផ្លាញ ព្រោះគ្រោះទឹកជំនន់
គ្រោះទឹកជំនន់នៅក្នុងប្រទេសថៃ និងវៀតណាម បានបំផ្លិចបំផ្លាញសាលារៀនចំនួន ៩៤៥កន្លែង ដែលផ្ដល់ផលប៉ះពាល់ដល់ការរៀនសូត្ររបស់សិស្សសាលារាប់ម៉ឺននាក់ឯណោះនៅក្នុងប្រទេសរងគ្រោះទាំង២។ នេះបើយោងតាមរបាយការណ៍របស់អង្គការ Save the Children នៅថ្ងៃទី២៤ខែកញ្ញា។
នៅភាគខាងជើងប្រទេសថៃ ទឹកជំនន់បានធ្វើឲ្យខូចខាតសាលារៀនចំនួន ១៤០កន្លែង ខណៈនៅវៀតណាមវិញ សាលារៀនដែលរងផលប៉ះពាល់មានយ៉ាងហោចណាស់ ៨០៥កន្លែង គិតចាប់តាំងពីការវាយប្រហារដោយខ្យល់ព្យុះទីហ្វុងយ៉ាកជីកាលពីដើមខែកញ្ញា។ នៅក្នុងប្រទេសថៃ សិស្សជាង ៣០ ៥០០នាក់មិនទាន់អាចទទួលបានការសិក្សានៅឡើយទេ ខណៈថ្នាក់រៀន កៅអី តុ និងសម្ភារៈផ្សេងទៀតក្នុងសាលានៅទូទាំងខេត្តឈៀងរ៉ៃ កំពុងត្រូវបានគ្របដណ្តប់ដោយភក់ ហើយសាលារៀនជាច្រើនកំពុងត្រូវការឧបករណ៍សិក្សាថ្មីបន្ថែម។
តំបន់ដែលរងផលប៉ះពាល់ដោយទឹកជំនន់ជាច្រើនក្នុងប្រទេសថៃ និងវៀតណាមក៏មិនអាចចូលទៅដល់បានដែរ ដោយសារទឹកជន់លិចផ្លូវ និងគ្រោះថ្នាក់នៃបំណាក់ដី ដែលរារាំងយ៉ាងធ្ងន់ធ្ងរដល់ប្រតិបត្តិការជួយសង្គ្រោះ និងជំនួយ។
ទឹកជំនន់ក៏បានបង្កើនហានិភ័យនៃជំងឺផ្សេងៗផងដែរ ដូចជា គ្រុនចាញ់ និងគ្រុនឈាម ជាដើម។
អាស៊ីជាតំបន់ដែលទទួលរងគ្រោះមហន្តរាយខ្លាំងជាងគេលើពិភពលោក ដោយសារកត្តាអាកាសធាតុ និងគ្រោះថ្នាក់ទាក់ទងនឹងទឹក។ នៅទូទាំងពិភពលោក កុមារចំនួន ៧៧៤លាននាក់ ឬមួយភាគបីនៃចំនួនកុមារទាំងអស់ កំពុងរស់នៅជាមួយនឹងផលប៉ះពាល់ធំៗចំនួន២គឺភាពក្រីក្រ និងហានិភ័យនៃអាកាសធាតុខ្ពស់៕
ដោយ៖ ឈាង
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង