ព័ត៌មានអន្ដរជាតិ
មន្ត្រីទី២របស់បក្សលោកស្រី អ៊ុងសាន ស៊ូជី បានស្លាប់ក្នុងទីឃុំឃាំងទៀតហើយ
មន្ត្រីម្នាក់ទៀតមកពីគណបក្សសម្ព័ន្ធជាតិដើម្បីប្រជាធិបតេយ្យរបស់មេដឹកនាំដែលត្រូវបានទម្លាក់លោកស្រី អ៊ុងសាន ស៊ូជី បានស្លាប់ក្នុងទីឃុំខ្លួន បន្ទាប់ពីត្រូវបានចាប់ខ្លួនថ្ងៃអង្គារ ទី៩ ខែមីនា។ នេះបើតាមអតីតសមាជិកសភាម្នាក់បាននិយាយ។
លោក Ba Myo Thein សមាជិកសភាជាន់ខ្ពស់ដែលត្រូវបានរំលាយបានប្រាប់ Reuters ថា មន្ត្រីគណបក្សលោក Zaw Myat Linn ត្រូវបានចាប់ខ្លួនវេលាម៉ោង១:៣០នាទីទៀបភ្លឺ។ លោកជាមន្ត្រីទី២របស់គណបក្ស NLD បានស្លាប់ក្នុងទីឃុំខ្លួន។
លោកថា ៖«ឥឡូវនេះ សាច់ញាតិកំពុងព្យាយាមយកសពពីមន្ទីរពេទ្យទាហាន»។
តាមប្រភពព័ត៌មានក្នុងស្រុកបានផ្សាយយថា លោក Ko Zaw Myat Lin ដែលជាប្រធានវិទ្យាស្ថានវិជ្ជាជីវៈ Suu Vocational Institute នៅក្នុងតំបន់ Shwe Pyi Thar ក្នុងទីក្រុងយ៉ាំងហ្គោន ត្រូវបានចាប់ខ្លួននៅពេលកម្លាំងសន្តិសុខវាយឆ្មក់វិទ្យាស្ថានកាលពីយប់ថ្ងៃចន្ទឈានចូលថ្ងៃអង្គារ៍។
កំឡុងពេលវាយឆ្មក់វិទ្យាស្ថាន និស្សិត៣នាក់ និងអ្នកស្រុក៣នាក់ក៏ត្រូវបានចាប់ខ្លួន។ កុំព្យួទ័រ រថយន្ត ទូរសព្ទ និងប្រាក់នៅវិទ្យាស្ថានក៏ត្រូវបានកម្លាំងសន្តិសុខរឹបអូសយក។ នេះបើតាមលោក Ko Min Wai គ្រូបង្រៀនស្ម័គ្រចិត្តនៅវិទ្យាស្ថាននោះ។
ការតវ៉ាប្រឆាំងនឹងរបបយោធានៅថ្ងៃអង្គារត្រូវបានកម្លាំងយោធាធ្វើការបង្ក្រាបភ្លាមៗ បន្ទាប់ពីអ្នកតវ៉ាវ័យក្មេងរាប់រយនាក់ដែលបានជាប់ក្នុងការបង្ខាំងពេញមួយប់នៅខណ្ឌមួយក្នុងក្រុង យ៉ាំងហ្គោនទើបតែរួចខ្លួន។
ការតវ៉ាដែលបែកខ្ញែកគ្នាត្រូវបានធ្វើឡើងនៅ យ៉ាំងហ្គោន និងតាមទីប្រជុំនានាទូទាំងប្រទេសមីយ៉ាន់ម៉ាកាលពីថ្ងៃអង្គារ ប៉ុន្តែកម្លាំងសន្តិសុខបានធ្វើការបង្ក្រាបដោយបាញ់ឧស្ម័នទឹកភ្នែក និងបំផ្ទុះគ្រាប់បែក។
យ៉ាងហោចណាស់មនុស្សពីរនាក់របួស ក្នុងនោះម្នាក់របួសដោយគ្រាប់កាំភ្លើង នៅទីប្រជុំជន Mohnyin ភាគខាងជើង។
កាលពីពីរថ្ងៃមុន មន្ត្រីរបស់គណបក្សសម្ព័ន្ធជាតិដើម្បីប្រជាធិបតេយ្យ (NLD) លោក Khin Maung Latt ជាសមាជិកសភាមូស្លីមម្នាក់ក្នុងចំណោមពីរនាក់ត្រូវបានជាប់ឆ្នោតកាលពីឆ្នាំ២០២០បានស្លាប់ក្នុងទីឃុំឃាំង។
តាមរបាយការណ៍បញ្ជាក់ថា សាកសពមានស្នាមជាំក្បាល និងរាងកាយដែលបង្ហាញពីការធ្វើទារុណ្ឌកម្ម៕
ប្រែសម្រួល៖ វីរបុត្រ
ប្រភព៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង