ទ្រាំមិនបាន! លោក ប្រាយុទ្ធ យកអាល់កុលបាញ់ក្រុមអ្នកកាសែត ព្រោះខឹងសួរសំណួរមួយ (មានវីដេអូ)

នាយករដ្ឋមន្រ្តីថៃលោក ប្រាយុទ្ធ ចាន់អូចា កាលពីថ្ងៃអង្គារទី៩ខែមីនា បានយកអាល់កុលបាញ់ដាក់អ្នកកាសែត នៅក្នុងសន្និសីទសារព័ត៌មានប្រចាំសប្តាហ៍មួយ បន្ទាប់ពីពួកគេសួរសំណួរច្រើនពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីឆ្លើយសំណួរយ៉ាងច្រើនរបស់អ្នកកាសែតក្នុងទីក្រុងបាងកក លោកប្រាយុទ្ធ ត្រូវបានគេសួរអំពីលទ្ធភាពនៃការរុះរើគណៈរដ្ឋមន្រ្តី។ លោកបានប្រាប់អ្នកយកព័ត៌មានឲ្យគិតពីមុខជំនួញរបស់ពួកគេវិញទៅ បន្ទាប់មកលោកចាប់យកដបអាល់កុល ហើយបាញ់ដាក់អ្នកយកព័ត៌មាននៅជួរមុខ។

អតីតមេបញ្ជាការកងទ័ពដែលឆាប់ខឹងរូបនេះ បានផ្តួលរំលំរដ្ឋាភិបាលជាប់ឆ្នោតក្នុងរដ្ឋប្រហារមួយកាលពីឆ្នាំ២០១៤។ លោកត្រូវបានគេស្គាល់ថា ជាមនុស្សដែលមានឥរិយាបទ គ្មានអ្នកណាអាចទាយទុកជាមុនបាន។

កាលពីមុន លោកបានមួស្លឹកត្រចៀករបស់អ្នកយកព័ត៌មានម្នាក់ ហើយគប់សំបកចេកដាក់អ្នកកាន់កាមេរ៉ា។

បន្ទាប់ពីព្រឹត្តិការណ៍មួយក្នុងឆ្នាំ២០១៨ លោកបានបដិសេធនិយាយទៅកាន់ប្រព័ន្ធផ្សព្វផ្សាយ ហើយផ្ទុយទៅវិញបានរៀបចំរូបលោកដែលធ្វើឡើងពីក្រដាស មានទំហំប៉ុនមនុស្សពិតៗ។ លោកនិយាយថា “សួរបុរសម្នាក់នេះទៅ” រួចហើយក៏ដើរចេញ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ថៃ អនុញ្ញាតឲ្យរៀបចំពិធីបុណ្យចូលឆ្នាំថ្មី តែក្រុមគ្រូពេទ្យព្រួយបារម្ភ

ចុចអាន៖ លោក​ ប្រាយុទ្ធ ចាន់អូចា ព្រមានអ្នករិះគន់រឿង វ៉ាក់សាំងកូវីដ