ព័ត៌មានអន្ដរជាតិ
ថៃ រឹតដៃបង្ក្រាបលើពលករបរទេស ដែលលួចធ្វើការងារបម្រុងទុកសម្រាប់ពលរដ្ឋខ្លួន
តាមការចុះផ្សាយរបស់ VN Express នៅថ្ងៃពុធទី៩ខែតុលាឆ្នាំ២០២៤, ពេលនេះ អាជ្ញាធរថៃរឹតតែបង្ក្រាបលើជនបរទេសដែលធ្វើការដោយខុសច្បាប់នៅក្នុងប្រទេសរបស់ខ្លួនហើយ ជាពិសេសអ្នកដែលធ្វើការងារ ដែលថៃបម្រុងទុកសម្រាប់ពលរដ្ឋខ្លួន។

រដ្ឋមន្ត្រីក្រសួងការងារ លោក Phiphat Ratchakitprakarn និយាយថា ក្នុងយុទ្ធនាការទូទាំងប្រទេស ចាប់ពីថ្ងៃទី៥ ខែមិថុនា ដល់ថ្ងៃទី២ ខែតុលា, មន្ត្រីបានចុះត្រួតពិនិត្យកន្លែងធ្វើការចំនួន ២០ ១៥២ ដែលផ្តល់ការងារដល់ពលករចំណាកស្រុកចំនួន ២៧៧ ៧៧០ នាក់ ដោយក្នុងនោះរកឃើញថា កន្លែងធ្វើការចំនួន ៨៤៤ មានជួលកម្មករចំណាកស្រុកខុសច្បាប់ និងចាប់ខ្លួនបាន២ ០៦៣ នាក់ ភាគច្រើនជាអ្នកមកពីតំបន់អាស៊ីអាគ្នេយ៍។
លោករដ្ឋមន្ត្រីគូសបញ្ជាក់ថា សេដ្ឋកិច្ចថៃ គឺពឹងផ្អែកខ្លាំងណាស់លើវិស័យការងារ ដូច្នេះហើយ អាទិភាពគឺត្រូវតែផ្តល់ឲ្យជនជាតិថៃជាចម្បង។
ស្របពេលជាមួយគ្នានោះដែរ អគ្គនាយកនៃនាយកដ្ឋានការងារ លោក Somchai Morakotsriwan សង្កត់ធ្ងន់ថា នាយកដ្ឋាននឹងបង្កើនការយកចិត្តទុកដាក់លើការស៊ើបអង្កេតរកពលករបរទេសដែលធ្វើការងារបម្រុងទុកសម្រាប់ជនជាតិថៃ ដូចជាភ្នាក់ងារទេសចរណ៍ មគ្គុទ្ទេសក៍ទេសចរណ៍ ម៉ាស្សា ឬជាងកាត់សក់ជាដើម។
លោកបន្ថែមថា ពលករបរទេសដែលចូលមកប្រទេសថៃ ត្រូវមានឯកសារបញ្ជាក់អត្តសញ្ញាណ និងលិខិតអនុញ្ញាតការងារត្រឹមត្រូវ ហើយធ្វើការស្របតាមសិទ្ធិដែលមានចែងក្នុងសេចក្តីប្រកាសរបស់ក្រសួងការងារ។
ខាងក្រោមនេះ គឺជាការងារទាំង ២៧ ដែលថៃទុកសម្រាប់តែប្រជាជនខ្លួនប៉ុណ្ណោះ បើពលករចំណាកស្រុកហ៊ានធ្វើគឺខុសច្បាប់៖
- ជាងចម្លាក់ឈើ
- អ្នកបើកបរដឹកជញ្ជូនសាធារណៈ
- អ្នកធ្វើការងារខាងដេញថ្លៃ
- អ្នកកាត់ត្បូង
- ជាងកាត់សក់
- អ្នកត្បាញក្រណាត់
- អ្នកត្បាញកន្ទេល
- អ្នកធ្វើក្រដាសខ្ចប់
- ម្នាងសិលា
- អ្នកផលិតឧបករណ៍ភ្លេងថៃ
- អ្នកធ្វើនីឡូវែរ
- ជាងមាស ប្រាក់ និងស្ពាន់
- ការងារធ្វើពីលង្ហិនប៉ូលា
- អ្នកធ្វើតុក្កតាថៃ
- អ្នកធ្វើបាត្រលោក
- អ្នកត្បាញក្រណាត់សូត្រធ្វើដោយដៃ
- ជាងចម្លាក់ព្រះពុទ្ធរូប
- អ្នកធ្វើឆ័ត្រក្រដាសប្រពៃណី
- ភ្នាក់ងារឈ្មួញកណ្តាល
- អ្នកធ្វើការងារម៉ាស្សាបែបប្រពៃណីថៃ
- អ្នកមូរបារី
- មគ្គុទេសក៍ទេសចរណ៍
- អ្នកដើរលក់របស់កំប៉ិកកំប៉ុក
- អ្នកវាយអក្សរ
- អ្នកក្រងខ្សែអំបោះ
- លេខា
- អ្នកផ្តល់សេវាដោះស្រាយវិវាទ
អត្ថបទ៖ សុខ សុវណ្ណ
ចុចអាន៖ ការងារទាំង២៧ ថៃទុកសម្រាប់តែប្រជាជនខ្លួនប៉ុណ្ណោះ បើពលករចំណាកស្រុកហ៊ានធ្វើ គឺខុសច្បាប់
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម១៤ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ


