ព័ត៌មានអន្ដរជាតិ

រុស្ស៊ី ត្រៀមថ្វីមាត់បញ្ចុះបញ្ចូលសមាជិក BRICS ឲ្យឈប់ចាយលុយដុល្លារអាមេរិក

បានផុស

២ years មុន

នៅ

ថ្ងៃចន្ទ ២១ តុលា ២០២៤

ដោយ

Chheang

នៅក្នុងកិច្ចប្រជុំកំពូល BRICS ឆ្នាំ២០២៤នេះ រុស្ស៊ី ដែលជាប្រទេសកំពុងរងទណ្ឌកម្មពីលោកខាងលិច ត្រូវបានគេរំពឹងថានឹងត្រៀមបញ្ចុះបញ្ចូលសម្ព័ន្ធមិត្តរបស់ខ្លួនឲ្យបញ្ឈប់ការយកលុយដុល្លារអាមេរិកធ្វើជាការទូទាត់សកល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំកំពូល BRICS នឹងត្រូវរៀបចំឡើងនៅទីក្រុង Kazan នៃប្រទេសរុស្ស៊ី ចាប់ពីថ្ងៃទី២២ដល់ថ្ងៃទី២៤ខែតុលា។ កិច្ចប្រជុំកំពូលនេះ បានបង្ហាញជាភស្តុតាងថា កិច្ចខិតខំប្រឹងប្រែងរបស់លោកខាងលិច ដើម្បីធ្វើឲ្យរុស្ស៊ីឯកោជុំវិញសកម្មភាពរបស់ខ្លួននៅអ៊ុយក្រែន បានបរាជ័យ។

រុស្ស៊ីចង់ឲ្យប្រទេសផ្សេងទៀតធ្វើការជាមួយខ្លួន ដើម្បីជួសជុលប្រព័ន្ធហិរញ្ញវត្ថុពិភពលោក និងបញ្ចប់ការត្រួតត្រានៃប្រាក់ដុល្លារអាមេរិក។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃសុក្រសប្ដាហ៍មុនថា ក្រុមប្រទេស BRICS នឹងបង្កើតបាននូវកំណើនសេដ្ឋកិច្ចពិភពលោកភាគច្រើននាប៉ុន្មានឆ្នាំខាងមុខ ដោយសារទំហំ និងកំណើនដ៏លឿនគួរសមរបស់ខ្លួន បើធៀបនឹងប្រទេសលោកខាងលិច។

BRICS ត្រូវបានបង្កើតឡើងក្នុងឆ្នាំ២០០៩ ដែលដើមឡើយមានដូចជា ប្រេស៊ីល រុស្ស៊ី ឥណ្ឌា និងចិន ប៉ុន្តែនៅ១ឆ្នាំបន្ទាប់ក៏មានការចូលរួមពីអាហ្វ្រិកខាងត្បូង។ បច្ចុប្បន្ន ប្លុកនេះមានប្រទេសជាសមាជិកចំនួន ១០ ខណៈបណ្ដាប្រទេសចំនួន ៣៤ផ្សេងទៀតក៏កំពុងស្នើសុំចង់ចូលជាក្រុមប្រទេស BRICS ផងដែរ។

រដ្ឋទាំង១០នៃ BRICS មានចំនួនប្រជាជនប្រមាណជា ៤៥% នៃប្រជាជនសរុបលើពិភពលោក និងបង្កើតបានផលិតផលក្នុងស្រុកជាសកលស្ទើរតែជិត ៣០% ឯណោះ៕

ដោយ៖ ឈាង

ចុចអាន៖ ពូទីន៖ មិនមែនលោកខាងលិចទេ តែជា BRICS ដែលជួយដល់កំណើនសេដ្ឋកិច្ចពិភពលោក