ព័ត៌មានអន្ដរជាតិ
ពូទីន៖ មិនមែនលោកខាងលិចទេ តែជា BRICS ដែលជួយដល់កំណើនសេដ្ឋកិច្ចពិភពលោក
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃសុក្រថា ក្រុមប្រទេស BRICS នឹងបង្កើតបាននូវកំណើនសេដ្ឋកិច្ចពិភពលោកភាគច្រើននាប៉ុន្មានឆ្នាំខាងមុខ ដោយសារទំហំ និងកំណើនដ៏លឿនគួរសមរបស់ខ្លួន បើធៀបនឹងប្រទេសលោកខាងលិច។
លោក ពូទីន បានបង្ហាញក្ដីសង្ឃឹមថានឹងពង្រីក BRICS ដែលមានការចូលរួមពីអេហ្ស៊ីប អេត្យូពី អ៊ីរ៉ង់ អារ៉ាប់រួម ប្រេស៊ីល រុស្ស៊ី ឥណ្ឌា ចិន និងអាហ្រ្វិកខាងត្បូង ឲ្យក្លាយជាការប្រឆាំងដ៏មានឥទ្ធិពលចំពោះលោកខាងលិចនៅក្នុងនយោបាយ និងពាណិជ្ជកម្មពិភពលោក។
រុស្ស៊ី គ្រោងនឹងធ្វើជាម្ចាស់ផ្ទះនៃកិច្ចប្រជុំកំពូល BRICS នៅទីក្រុង Kazan នៅថ្ងៃទី២២ដល់ថ្ងៃទី២៤ខែតុលា។
លោក ពូទីន បានប្រាប់មន្ត្រីនិងអ្នកជំនួញនៅឯវេទិកាធុរកិច្ច BRICS នៅទីក្រុងមូស្គូថា៖ «បណ្តាប្រទេសនៅក្នុងសមាគមរបស់យើង គឺជាកត្តាជំរុញដ៏សំខាន់នៃកំណើនសេដ្ឋកិច្ចពិភពលោក។ នាពេលអនាគតដ៏ខ្លីខាងមុខនេះ BRICS នឹងបង្កើតការកើនឡើងដ៏ចាំបាច់នៃផលិតផលក្នុងស្រុកសរុបរបស់ពិភពលោក»។
លោក ពូទីន បានបន្ថែមថា៖ «កំណើនសេដ្ឋកិច្ចនៃសមាជិក BRICS នឹងកាន់តែពឹងផ្អែកតិចទៅលើឥទ្ធិពល ឬការជ្រៀតជ្រែកពីខាងក្រៅ។ នេះជាអធិបតេយ្យភាពសេដ្ឋកិច្ចដ៏សំខាន់»។
កិច្ចប្រជុំកំពូលនៅរុស្ស៊ីសប្តាហ៍ក្រោយនេះ បានបង្ហាញជាភស្តុតាងថា កិច្ចខិតខំប្រឹងប្រែងរបស់លោកខាងលិច ដើម្បីធ្វើឲ្យរុស្ស៊ីឯកោជុំវិញសកម្មភាពរបស់ខ្លួននៅអ៊ុយក្រែន បានបរាជ័យ។
រុស្ស៊ីចង់ឲ្យប្រទេសផ្សេងទៀតធ្វើការជាមួយខ្លួន ដើម្បីជួសជុលប្រព័ន្ធហិរញ្ញវត្ថុពិភពលោក និងបញ្ចប់ការត្រួតត្រានៃប្រាក់ដុល្លារអាមេរិក។
ប្រទេសចិន ឥណ្ឌា និងអារ៉ាប់រួម បានបញ្ជាក់កាលពីថ្ងៃសុក្រថា មេដឹកនាំរបស់ពួកគេនឹងចូលរួមកិច្ចប្រជុំកំពូលនៅទីក្រុង Kazan៕
ដោយ៖ ឈាង
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម១៥ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ