ព័ត៌មានអន្ដរជាតិ
លោក ត្រាំ រើសយកពិធីករ Fox News ឲ្យធ្វើជារដ្ឋមន្ត្រីការពារជាតិអាមេរិក
ប្រធានាធិបតីទើបជាប់ឆ្នោត លោក ដូណាល់ ត្រាំ (Donald Trump) បានជ្រើសរើស លោក Pete Hegseth ដែលជាពិធីករប៉ុស្ដិ៍ទូរទស្សន៍ Fox News និងជាអតីតយុទ្ធជនយោធា ឲ្យធ្វើជារដ្ឋមន្ត្រីការពារជាតិសម្រាប់អាណត្តិថ្មីរបស់លោក។
លោក ត្រាំ បាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារថា៖ «លោក Pete បានចំណាយពេលពេញមួយជីវិតរបស់គាត់ជាអ្នកចម្បាំងសម្រាប់កងទ័ព និងសម្រាប់ប្រទេសជាតិ។ លោក Pete គឺអ្នកមានជំនឿពិតប្រាកដ មុតមាំ និងឆ្លាតវៃ ចំពោះគោលនយោបាយ America First។ ដោយមាន Pete ជាអ្នកកាន់តំណែង សត្រូវរបស់អាមេរិកត្រូវបានព្រមាន ហើយយោធារបស់យើងនឹងអស្ចារ្យម្តងទៀត ហើយអាមេរិកនឹងមិនថយក្រោយឡើយ»។
គួរបញ្ជាក់ថា លោក Pete Hegseth ជាជើងចាស់នៅក្នុងវិស័យយោធាអាមេរិកជាយូរណាស់មកហើយចាប់តាំងពីឆ្នាំ២០០៣រហូតដល់ឆ្នាំ២០២១ ដោយធ្លាប់បម្រើការនៅប្រទេសអាហ្វហ្គានីស្ថាន គុយបា និងអ៊ីរ៉ាក់។
ទីប្រឹក្សារបស់លោក ត្រាំ បានប្រាប់ថា លោក Hegseth ក៏មានតួនាទីជាអ្នកប្រឹក្សាក្រៅផ្លូវការរបស់លោក ត្រាំ អស់រយៈពេលជាច្រើនឆ្នាំផងដែរតាំងពីអាណត្តិជាប់ឆ្នោតលើកដំបូង និងក្រោយពេលផុតអាណត្តិ។
លោក Hegseth បានចាប់ផ្ដើមធ្វើការដំបូងនៅ Fox News ក្នុងឆ្នាំ២០១៤ ហើយបច្ចុប្បន្នជាសហពិធីករនៅក្នុងកម្មវិធី «Fox & Friends Weekend»។
ព្រឹទ្ធសភាអាមេរិក នឹងត្រូវអនុម័តការតែងតាំងលោក Hegseth ក្រោយថ្ងៃចូលឡើងកាន់តំណែងផ្លូវការរបស់លោក ត្រាំ នៅដើមឆ្នាំ២០២៥៕
ដោយ៖ ឈាង
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន