ពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស

ប្រហែលជាមនុស្សជាច្រើនបានស្គាល់កងទ័ពដីឥដ្ឋនៅក្នុងផ្នូររបស់អធិរាជ ឈិនស៊ី (Qin Shi Huang) ដោយរូបសំណាកនីមួយៗមានរូបរាងពិសេសរៀងៗខ្លួន។ នេះរំឭកមនុស្សអំពីពិធីបញ្ចុះសព ការបញ្ចុះអ្នករស់នៅជាមួយអ្នកស្លាប់ដែលមានប្រជាប្រិយភាពយ៉ាងខ្លាំងនៅសម័យបុរាណ។

យោងតាមឯកសារបុរាណវិទ្យា រាជវង្ស Shang គឺជាសម័យដែលការបញ្ចុះសព បានកើតឡើងច្រើនបំផុត។ មនុស្សនិយាយថា អធិរាជឈិនស៊ី ចង់មានកងទ័ពដ៏មានឥទ្ធិពលមួយនៅក្នុងជីវិតបន្ទាប់បន្សំ ដូច្នេះគាត់បានដុតមនុស្សរស់ឲ្យទៅជារូបចម្លាក់។ ពាក្យចចាមអារ៉ាមនេះនៅតែមិន​ទាន់មានអ្នកណាមកបញ្ចាក់ថាពិតឬក្លែងក្លាយ រហូតដល់រូបសំណាកទាហាន និងសេះដែលត្រូវបានដុតក្នុងទីក្រុង Shaanxi ត្រូវខូចខាត ហើយការសង្ស័យទាំងអស់ត្រូវអ្នកជំនាញចេញមកបញ្ចាក់ច្បាស់លាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅឆ្នាំ ១៩៧៤ ខេត្តស៊ីអាន​ (Xi An) បានជួបប្រទះគ្រោះរាំងស្ងួតដ៏យូរ។ សម្រាប់ជីវភាពរស់នៅ និងអនាគតរបស់ពួកគេ កសិករចង់ជីកអណ្តូងនៅជិតតំបន់ Lintong, Xi’an និង Shaanxi។ ប៉ុន្តែ ពួក​គេ​មិន​អាច​ជីក​រក​ទឹក​បាន​ទេ ប៉ុន្តែ​បែរ​ទៅ​បុក​វត្ថុ​រឹងដែលមានឡដុតឥដ្ឋជាច្រើននៅស៊ីអានផងដែរ ដូច្នេះហើយ ប្រជាពលរដ្ឋមិនបានសង្ស័យអ្វីឡើយ គ្រាន់តែគិតថា កន្លែងនេះធ្លាប់ជាឡឥដ្ឋ។ បន្ទាប់មក គេបានជីកយកវត្ថុបុរាណជាច្រើនដូចជា រូបចម្លាក់ដីឥដ្ឋ ឈើឆ្កាង ជាដើម ដែលធ្វើឲ្យគ្រប់គ្នាភ្ញាក់ផ្អើលជាខ្លាំង។ នោះហើយជារបៀបដែលផ្នូរឈិនស៊ីត្រូវបានរកឃើញ។

តំបន់ដែលគួរឲ្យកត់សំគាល់បំផុតមួយនៅក្នុងផ្នូរដ៏ធំនេះគឺកងទ័ពដីឥដ្ឋ។ តំបន់ដែលកាន់កាប់ដោយកងទ័ពដីឥដ្ឋមានទំហំធំណាស់។ អ្វីដែលទាក់ទាញមនុស្សគឺមិនត្រឹមតែតំបន់ដ៏ធំ និងបរិមាណប៉ុណ្ណោះទេ ប៉ុន្តែក៏ដោយសារតែពួកគេលម្អិត ពីភាពរស់រវើកនៃរូបសំណាកផងដែរ។ ជាពិសេស​មុខ​នីមួយៗ​នៅលើ​រូបសំណាក​ក៏​មិន​ដូចគ្នា​ដែរ គឺ​មើលទៅ​ដូច​មនុស្ស​មែនទែន​។ ដែលនោះបានធ្វើឲ្យគេដាក់ការសង្ស័យថា កងទ័ពអាចសូនជាមនុស្សពិតប្រាកដមែន។

អស់ជាច្រើនឆ្នាំមកនេះ មនុស្សជាច្រើនបានដាក់ចេញនូវទ្រឹស្តីភ័យរន្ធត់ឬការក្លែងបន្លំ​ ដែលជារបបបញ្ចុះសពត្រូវបានអនុវត្តនៅទីនេះ។ ជាពិសេសគេថា រូបសំណាកនីមួយៗនៅក្នុងកងទ័ពដីឥដ្ឋត្រូវបង្កើតឡើងពីមនុស្សពិតប្រាកដ ដូ​ច្នេះវាមានរូបរាងផ្សេងៗគ្នា។

ទោះជាយ៉ាងណាក៏ដោយ នេះមិនមែនជាការពិតទេ ហើយត្រូវបានបដិសេធ បន្ទាប់ពីអ្នកជំនាញខាងបុរាណវត្ថុបានរកឃើញរូបសំណាកដុតដែលបាក់។ បន្ទាប់​មក គាត់​ក៏​ចាប់​ផ្ដើម​សិក្សា​រូប​សំណាក​នេះ​ភ្លាម។ ការសិក្សានេះបានបដិសេធទាំងស្រុងនូវទ្រឹស្តីដ៏មានប្រជាប្រិយនៃការដុតមនុស្សរស់ឲ្យក្លាយជាសព។ ហេតុផលគឺសាមញ្ញណាស់ នៅខាងក្នុងឡដុតរូបសំណាកទាហាន និងសេះនេះមិនមានដីទេ សូម្បីតែសម្ភារៈបំពេញអ្វីក៏ដោយ។ ផ្នែក​ខាង​ក្នុង​នៃ​រូបសំណាក​ដែល​ប្រេះ​បែក​នោះ ​គឺ​ប្រហោង​ទាំង​ស្រុង។

របកគំហើញនេះផ្តល់ឲ្យមនុស្សនូវទស្សនៈថ្មី អំពីទេពកោសល្យរបស់សិប្បករបុរាណ។ អ្នកជំនាញបានកំណត់ថា កងទ័ព និងសេះរបស់អធិរាជឈិនស៊ី ត្រូវបានបង្កើតដោយប្រើបច្ចេកវិទ្យាបាញ់សេរ៉ាមិច។ ការបាញ់គ្រឿងស្មូនគឺពិបាកណាស់។ ដំបូងកម្មករត្រូវប្រើផ្សិតសេរ៉ាមិចដើម្បីបង្កើតស្នាដៃដំបូង បន្ទាប់មកគ្របលើផ្ទៃដោយស្រទាប់ស្តើងនៃដី។ ស្រទាប់ដីនេះគឺជាកន្លែងដ៏សំខាន់បំផុតដើម្បីបង្កើតកន្សោមមុខ និងពណ៌របស់តួអង្គនីមួយៗ។ ជាពិសេស រូបសំណាកគឺមានភាពផ្ចិតផ្ចង់បំផុត​ ទើបអាចចេញរូបរាងដូចមនុស្សពិតៗដែលនោះធ្វើឲ្យបុរាណវិទូពិបាកសិក្សាថាកងទ័ពទាំងនោះជាសាកសពឬដីឥដ្ឋ៕

អត្ថបទ៖ សាង ស្រីល័ក្ខ

ចុចអាន៖៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី