ព័ត៌មានអន្ដរជាតិ
បាក់ដីជាប់ៗគ្នាលាន់ដូចផ្ទុះគ្រាប់បែក សង្កត់បន្ទាយទាហានវៀតណាម ស្លាប់១១នាក់ខណៈ១១នាក់ទៀតបាត់ខ្លួន
ទាហានចំនួន១១នាក់បានស្លាប់ខណៈការស្វែងរកកំពុងធ្វើឡើងសម្រាប់មនុស្ស១១នាក់ផ្សេងទៀតបន្ទាប់ពីការបាក់ដីដ៏ធំមួយវាយប្រហារខេត្ត Quang Tri ភាគកណ្តាលប្រទេសវៀតណាមកាលពីថ្ងៃអាទិត្យទី១៨ខែតុលាស្របពេលប្រទេសនេះកំពុងប្រយុទ្ធប្រឆាំងនឹងគ្រោះទឹកជំនន់ដ៏អាក្រក់បំផុតមិនធ្លាប់មានក្នុងរយៈពេលប៉ុន្មានឆ្នាំចុងក្រោយ។
ភ្លៀងធ្លាក់ខ្លាំងចាប់តាំងពីដើមខែតុលាមកបានបង្កឲ្យមានទឹកជំនន់និងការបាក់ដីដែលបានសម្លាប់មនុស្សជាង៧០នាក់នៅភាគកណ្តាលប្រទេសវៀតណាមហើយភ្លៀងធ្លាក់ខ្លាំងត្រូវបានគេរំពឹងថានឹងបន្តក្នុងរយៈពេលពីរបីថ្ងៃខាងមុខទៀត។
រដ្ឋាភិបាលបាននិយាយនៅក្នុងសេចក្តីថ្លែងការណ៍មួយលើគេហទំព័ររបស់ខ្លួនថា ការបាក់ដីបានវាយប្រហារបន្ទាយទាហាននៃតំបន់យោធាទី៤របស់ប្រទេសវៀតណាម។
យោងតាមគេហទំព័រ VnExpress បានឲ្យដឹងថា “ចាប់ពីម៉ោង២ព្រឹក មានការបាក់ដីពី៤ទៅ៥កន្លែងជាប់ៗគ្នា លាន់ស្នូរដូចផ្ទុះគ្រាប់បែកហើយវាមានអារម្មណ៍ថា ភ្នំទាំងមូលហាក់ដួលរលំ”។
រដ្ឋាភិបាលនិយាយថា សាកសពមនុស្ស១១នាក់ត្រូវបានរកឃើញហើយ។
ប្រព័ន្ធផ្សព្វផ្សាយរដ្ឋកាលពីថ្ងៃអាទិត្យបានរាយការណ៍ថា ទឹកទន្លេក្នុងខេត្ត Quang Tri បានឡើងដល់កម្រិតខ្ពស់បំផុតក្នុងរយៈពេលជាង២០ឆ្នាំចុងក្រោយនេះ។
នៅខេត្ត Thua Thien Hue ក្រុមអ្នកជួយសង្គ្រោះកំពុងប្រយុទ្ធតស៊ូជាមួយភ្លៀងធ្លាក់ដើម្បីស្វែងរកកម្មករសំណង់យ៉ាងតិច១៥នាក់ដែលបាត់ខ្លួនបន្ទាប់ពីការបាក់ដីនៅដើមសប្តាហ៍នេះ៕
ប្រែសម្រួលដោយ៖ Vann Vann
ប្រភព៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ