បាតុករមីយ៉ាន់ម៉ាដុតបំផ្លាញរោងចក្រនិងហាងចិន ដោយចោទថា ក្រុងប៉េកាំងនៅពីក្រោយយោធា

ច្បាប់អាជ្ញាសឹកត្រូវបានប្រកាស បន្ទាប់ពីហាងចិនត្រូវរងការវាយប្រហារព្រោះក្រុមអ្នកតវ៉ាជឿថា ចិនកំពុងផ្តល់ការគាំទ្រដល់យោធាមីយ៉ាន់ម៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោធាបានប្រកាសច្បាប់អាជ្ញាសឹកនៅតំបន់ Hlaing Tharyar និង Shwepyitha បន្ទាប់ពីប្រទេសចិននិយាយថា រោងចក្រចិននៅក្នុងតំបន់នោះត្រូវបានកំណត់គោលដៅ ហើយទាមទារការការពារ។

ទីក្រុងប៉េកាំងនិយាយថា ប្រជាជនប្រដាប់ដោយដែក ពូថៅនិងសាំងបានដុតនិងបំផ្លាញរោងចក្ររបស់ចិនចំនួន១០ដែលភាគច្រើនជារោងចក្រផលិតសម្លៀកបំពាក់ ឬឃ្លាំងនៅក្នុងទីក្រុងយ៉ាំងហ្គោន។ សណ្ឋាគារចិនមួយក៏ត្រូវបានវាយប្រហារផងដែរ។

នៅលើទំព័រ Facebook របស់ខ្លួន ស្ថានទូតចិនបាននិយាយថា “រោងចក្រមួយចំនួនត្រូវបានគេចូលលួចនិងបំផ្លាញ ហើយបុគ្គលិកចិនជាច្រើននាក់បានរងរបួសនិងជាប់នៅក្នុងនោះ”។

ស្ថានទូតបានជំរុញឲ្យមីយ៉ាន់ម៉ា ចាត់វិធានការប្រកបដោយប្រសិទ្ធភាពបន្ថែមទៀតដើម្បីបញ្ឈប់រាល់សកម្មភាពនៃអំពើហិង្សា ដាក់ទណ្ឌកម្មលើជនល្មើសដោយស្របតាមច្បាប់ និងធានាសុវត្ថិភាពអាយុជីវិតនិងទ្រព្យសម្បត្តិរបស់ក្រុមហ៊ុននិងបុគ្គលិកចិននៅក្នុងប្រទេសមីយ៉ាន់ម៉ា” ។

សារព័ត៌មាន Myawaddy Media ដែលគ្រប់គ្រងដោយយោធាបានរាយការណ៍ថា ក្រុមពន្លត់អគ្គិភ័យត្រូវបានប្រជាជនបិទផ្លូវ រារាំងមិនឲ្យទៅពន្លត់ភ្លើងដែលឆាបឆេះរោងចក្រ។

ក្រុមសកម្មជននិយាយថា បាតុករចំនួន៣៨នាក់ ត្រូវបានសម្លាប់ក្នុងថ្ងៃបង្ហូរឈាមខ្លាំងបំផុតមួយនៅប្រទេសមីយ៉ាន់ម៉ា ចាប់តាំងពីយោធាបានផ្តួលរំលំរដ្ឋាភិបាល៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ មនុស្សច្រើនបំផុតស្លាប់ក្នុងការប្រយុទ្ធគ្នារវាងយោធានិងបាតុករមីយ៉ាន់ម៉ា ម្សិលមិញ

ចុចអាន៖ ១២​ស្លាប់​​នៅ​​មីយ៉ាន់ម៉ា​​ម្សិល​​មិញ​មាន​​ទាំង​​ក្មេង​ និង​​ព្រះ​​សង្ឃ