ព័ត៌មានអន្ដរជាតិ
សភាបក្សប្រឆាំងកូរ៉េខាងត្បូងស្នើដក លោក Han Duck-soo ដែលទើបកាន់អំណាច១២ថ្ងៃ
ទីបំផុតសមាជិកសភាមកពីគណបក្សប្រជាធិបតេយ្យដែលជាគណបក្សគ្រប់គ្រងរដ្ឋសភាស្ទើរតែផ្តាច់មុខ បានដាក់ញត្តិចោទប្រកាន់ប្រឆាំងប្រធានាធិបតីស្តីទី លោក Han Duck-soo ដែលបដិសេធម្តងហើយម្តងទៀតក្នុងការអនុវត្តតាមសំណើររបស់រដ្ឋសភាស្នើតែងតាំងចៅក្រមតុលាការធម្មនុញ្ញ និងបង្កើតក្រុមស៊ើបអង្កេតពិសេស។
នាយករដ្ឋមន្ត្រីកូរ៉េខាងត្បូង លោក Han Duck-soo ដែលបានឡើងកាន់តួនាទីជាប្រធានាធិបតីស្តីទីកាលល្ងាចថ្ងៃទី១៤ខែធ្នូ បានរារាំងនូវសំណើររបស់រដ្ឋសភាជាតិយ៉ាងហោចណាស់ចំនួនពីរលើកសំខាន់ៗ គឺ ទី១ ការអនុម័តបង្កើតក្រុមស៊ើបអង្កេតពិសេសដែលនឹងពិនិត្យលើការប្រកាសដាក់ច្បាប់អាជ្ញាសឹករបស់ប្រធានាធិបតី Yoon Suk Yeol និង ការស៊ើបអង្កេតលើករណីពុករលួយនៃភរិយាប្រធានាធិបតី និង ទី២ គឺការចេញក្រឹត្យតែងតាំងចៅក្រមតុលាការធម្មនុញ្ញចំនួន៣រូបសម្រាប់តួនាទីដែលនៅទំនេរ។
ចៅក្រមតុលាការធម្មនុញ្ញកូរ៉េខាងត្បូងនៅពេលនេះមានតែចំនួន៦រូបប៉ុណ្ណោះ ក្នុងចំណោមចៅក្រមសរុបចំនួន៩រូប ដែលធ្វើឲ្យដំណើរការសម្រេចសេចក្តីមិនអាចប្រព្រឹត្តទៅបានឡើយសម្រាប់ការដកអំណាចផ្លូវការរបស់ប្រធានាធិបតី Yoon Suk Yeol ព្រោះថា តុលាការនេះត្រូវការចៅក្រមយ៉ាងតិច៧រូបដើម្បីបើកសវនាការ ហើយចៅក្រម៦រូបត្រូវសម្រេចដកដំណែង ទើបអាចចាត់ទុកជាបានការ។
ក្នុងករណីនេះ គណបក្សអំណាចប្រជាជន (PPP) ដែលជាបក្សកាន់អំណាចរបស់លោក Yoon បានបង្កើនលទ្ធភាពតតាំងតាមផ្លូវច្បាប់ក្នុងកម្រិតកំពូលដើម្បីរក្សាលោក Yoon នៅក្នុងអំណាច។
យោងសេចក្តីរាយការណ៍របស់ AFP គណបក្សប្រឆាំងកំពុងជំរុញការដាក់ញត្តិទៅកាន់រដ្ឋសភានៅថ្ងៃព្រហស្បតិ៍នេះ ហើយ ការបោះឆ្នោតទម្លាក់ប្រធានាធិបតីស្តីទីនៅក្នុងរដ្ឋសភាគ្រោងនឹងធ្វើឡើងនៅថ្ងៃសុក្រ។
ការបោះឆ្នោតទម្លាក់ប្រធានាធិបតីស្តីទីស្ថិតនៅក្នុងការជជែកនៅឡើយសម្រាប់ប្រទេសកូរ៉េខាងត្បូង ដោយសារថា ច្បាប់រដ្ឋធម្មនុញ្ញបានបើកផ្លូវឲ្យបោះឆ្នោតទម្លាក់នាយករដ្ឋមន្ត្រី មន្ត្រីរដ្ឋាភិបាលជាន់ខ្ពស់ មានថ្នាក់រដ្ឋមន្ត្រី ចៅក្រម មន្ត្រីនៃទីស្តីការគណៈរដ្ឋមន្ត្រី គឺត្រូវធ្វើឡើងត្រឹមតែសំឡេង ៥០បូក១ ឬថា ១៥១សំឡេង ខណៈការទម្លាក់ប្រធានាធិបតីត្រូវមានសំឡេង២ភាគ៣ ឬថា ២០០លើ៣០០សំឡេងនៅក្នុងរដ្ឋសភា។
លោក Han Duck-soo ត្រូវបានដកស្រង់ដោយសារព័ត៌មានកូរ៉េខាងត្បូង បានអះអាងថា លោកចេញក្រឹត្យតាមសំណើររបស់រដ្ឋសភា ដរាបណាមានការសម្របសម្រួលនយោបាយរបស់គណបក្សទាំងពីរជាមុនសិន៕
ដោយ រ៉ាន់ រើយ
ទិវាពលកម្ម ៖ សហជីពពេញចិត្តការផ្ដល់ពានរង្វាន់ “សហគ្រាសមួយជាសហគមន៍សុខសាន្តមួយ”
អាជ្ញាធរស្រុកស្រែអំបិល ស្នើឱ្យមានការចេញបណ្ណអចលនវត្ថុសម្គាល់ដីធ្លីឱ្យបានឆាប់រហ័ស
សម្ដេចតេជោប្រាប់បក្សប្រឆាំងថា ប្រឆាំងក៏ប្រឆាំងចុះ តែត្រូវយល់ និងធ្វើអ្វីដែលផ្ដល់ជាប្រយោជន៍រួមដល់ជាតិ
ការប្រែក្លាយសហគ្រាសមួយជាសហគមន៍សុខសាន្តមួយ ទទួលបានការសាទរពីកម្មករ ថៅកែ និងដៃគូអន្តរជាតិ
១ខែ បន្ទាប់ពីការរញ្ជួយដីកម្រិត ៧.៧ រ៉ិចទ័រ មីយ៉ាន់ម៉ារងការរញ្ជួយដីកម្រិតស្រាល ១៥៧ លើក
បន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
កាន់តែក្តៅ! រដ្ឋមន្ត្រីប៉ាគីស្ថាន គំរាមបាញ់នុយក្លេអ៊ែរ លើ ឥណ្ឌា
កម្លាំងគណៈបញ្ជាការឯកភាពខណ្ឌ ៧ មករា បន្តចុះរដ្ឋបាលតំបន់ស្មុគស្មាញ បុរីកីឡា រក្សាសន្តិសុខជូនពលរដ្ឋ
ហ៊ូធី លែងសូវហ៊ានបាញ់មីស៊ីល ក្រោយអាមេរិកវាយប្រហារជាង ៨០០លើក តាំងពីពាក់កណ្ដាលខែមីនា
បុរសម្នាក់ ងងុយ ក៏បានបើកឡានជ្រុលចង្កូតធ្លាក់ចូលទឹកបឹងកន្សែង នៅខេត្តរតនគិរី
-
ចរាចរណ៍៧ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម៣ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ៥ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ៦ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៤ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
សុខភាព១ សប្តាហ៍ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៤ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ៦ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន