ព័ត៌មានអន្ដរជាតិ

រថយន្ត៤៣គ្រឿងបុកបន្តគ្នាក្នុងក្រុង Goyang នៅកូរ៉េខាងត្បូង អ្នកបើកបរ៩នាក់របួស

បានផុស

១ year មុន

នៅ

ថ្ងៃអង្គារ ១៤ មករា ២០២៥

ដោយ

មនុស្សប្រាំបួននាក់បានរងរបួស បន្ទាប់ពីរថយន្តចំនួន៤៣គ្រឿងបានជាប់ពាក់ព័ន្ធក្នុងការបុកបន្តគ្នានៅលើផ្លូវហាយវេដែលគ្របដណ្តប់ដោយទឹកកក នៅជិតផ្លូវប្រសព្វក្នុងទីក្រុង Goyang ភាគខាងជើងនៃទីក្រុងសេអ៊ូល។ នេះបើតាមការចេញផ្សាយរបស់ទីភ្នាក់ងារព័ត៌មាន Xinhua នៅថ្ងៃទី១៤ខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រី បានឲ្យដឹងថា គ្រោះថ្នាក់នេះលើផ្លូវសេអ៊ូល Munsan Expressway ឆ្ពោះទៅក្រុង Munsan បណ្តាលឱ្យអ្នកបើកបរ៩នាក់រងរបួស និងបញ្ជូនទៅព្យាបាលនៅមន្ទីរពេទ្យ។

ប៉ូលិសនិងសមត្ថកិច្ចពន្លត់អគ្គិភ័យបានបិទផ្លូវដើម្បីដោះស្រាយគ្រោះថ្នាក់នេះ។ មន្ត្រីប៉ូលិសម្នាក់បាននិយាយថា៖ «ការកកកុញនេះបានកើតឡើងដោយសារតែទឹកកកខ្មៅនៅលើផ្លូវរអិល នាំឱ្យមានគ្រោះថ្នាក់ហើយរថយន្តបុកបន្តកន្ទុយគ្នា ធ្វើឱ្យកកស្ទះលើផ្លូវយ៉ាងធ្ងន់ធ្ងរ»។

ចំណែកហេតុការណ៍មួយទៀតដែលពាក់ព័ន្ធនឹងឡានដឹកទំនិញ ឡានក្រុង និងរថយន្តសរុបចំនួន ៤៤បានកើតឡើងនៅម៉ោង ៥ និង ១៥នាទីព្រឹកនៅលើផ្លូវហាយវេនៅជិត Gusan Interchange ក្នុង Goyang ឆ្ពោះទៅកាន់ Paju។ ក្នុងនោះរួមមាន គំនរគៀបជាប់គ្នារថយន្ត៦គ្រឿង ខូចរថយន្ត៣គ្រឿង។

ជាមួយគ្នានេះដែរ រថយន្តចំនួនប្រាំពីរគ្រឿងផ្សេងទៀតបានបុកគ្នានៅលើផ្លូវមួយក្នុងទីក្រុង Gimpo ភាគខាងលិចទីក្រុងសេអ៊ូល នៅវេលាម៉ោង ៥ និង៣០នាទីព្រឹក បណ្តាលឲ្យអ្នកបើកបរពីរនាក់រងរបួស ហើយក្រោយមកត្រូវបានព្យាបាលនៅមន្ទីរពេទ្យ។ ប៉ូលិសសង្ស័យរថយន្តកុងតឺន័របុកជាមួយរថយន្តពីក្រោយ បណ្តាលឲ្យក្រឡាប់ជាមួយរថយន្តផ្សេងទៀត។

អត្ថបទ៖ ប៊ុន សុភាព