Connect with us

ព័ត៌មានអន្ដរជាតិ

រុស្ស៊ី-អ៊ុយក្រែន ដោះដូរឈ្លើយសឹកគ្នាលើកដំបូង ក្នុងឆ្នាំ២០២៥

បានផុស

នៅ

ជាសញ្ញាល្អនៃសង្គ្រាមរុស្ស៊ី-អ៊ុយក្រែន នាដើមឆ្នាំ២០២៥នេះ, ដោយភាគីជម្លោះទាំងសងខាង បានធ្វើការដោះដូរឈ្លើយសឹកគ្នាម្ខាង២៥នាក់ កាលពីថ្ងៃពុធទី១៥ខែមករា។

(រូបថត៖ Telegram)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ RT, ការដោះដូរនេះគឺធ្វើឡើងបន្ទាប់ពីមានការសម្របសម្រួលដោយប្រទេសអារ៉ាប់រួម ហើយប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី បានកោតសរសើររដ្ឋាភិបាលទីក្រុង អាប៊ូដាប៊ី យ៉ាងខ្លាំង ចំពោះកិច្ចខិតខំប្រឹងប្រែង រៀបចំឲ្យមានព្រឹត្តិការណ៍នេះកើតឡើង។

ទោះបីជាយ៉ាងណាក៏ដោយ មិនមានការបញ្ចេញព័ត៌មានទេថាតើ ការដោះដូរឈ្លើយសឹកនេះ ធ្វើឡើងនៅទីណា?

(រូបថត៖ Reuters)

ពាក់ព័ន្ធរឿងនេះ ក្រសួងការពារជាតិរុស្ស៊ី បានចេញសេចក្តីថ្លែងការណ៍ថា អ្នកទោសសង្គ្រាមរុស្ស៊ីដែលអ៊ុយក្រែនដោះលែង គឺត្រូវបញ្ជូនទៅកាន់ប្រទេសបេឡារុសទាំងអស់ ដើម្បីពិនិត្យសុខភាពនិងទទួលបានជំនួយផ្លូវចិត្ត ហើយមានឱកាសជួបសាច់ញាតិនិងមនុស្សជាទីស្រឡាញ់ រួចអ្នកទោសទាំងនោះ នឹងបញ្ជូនបន្តទៅកាន់មណ្ឌលស្តារនីតិសម្បទា និងមន្ទីរពេទ្យក្រសួង ដើម្បីព្យាបាលបន្ថែមទៀត។

សូមបញ្ជាក់ថា ការដោះដូរឈ្លើយសឹកគ្នាលើកចុងក្រោយរវាងភាគីទាំងពីរ គឺធ្វើឡើងកាលពីខែធ្នូឆ្នាំមុន ដោយកាលនោះទាហានរុស្ស៊ី១៥០នាក់ និងទ័ពអ៊ុយក្រែនជិត២០០នាក់ ត្រូវបានដោះលែង៕

អត្ថបទ៖ សុខ សុវណ្ណ

ចុចអាន៖ លើក​ដំបូង! អ៊ុយក្រែន​បើក​ការ​វាយ​ប្រហារ​ទ្រង់ទ្រាយ​ធំ​បំផុត​លើ​រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម