ព័ត៌មានអន្ដរជាតិ

ម៉ិកស៊ិក ដាក់ពង្រាយទ័ព ១ម៉ឺននាក់នៅព្រំដែន ក្រោយការគំរាមដាក់ពន្ធរបស់ ត្រាំ

បានផុស

១ year មុន

នៅ

ថ្ងៃព្រហស្បតិ៍ ៦ កុម្ភៈ ២០២៥

ដោយ

Chheang

ក្រោយការគំរាមកំហែងពន្ធរបស់ប្រធានាធិបតីអាមេរិក ដូណាល់ ត្រាំ ប្រទេសម៉ិកស៊ិកបានដាក់ពង្រាយកងទ័ពចំនួន ១ម៉ឺននាក់ដើម្បីរឹតបន្តឹងព្រំដែនភាគខាងជើងរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយរបស់ទីភ្នាក់ងារព័ត៌មាន Associated Press កងទ័ព កងឆ្មាំជាតិ និងរថយន្តកងទ័ពម៉ិកស៊ិក បានធ្វើដំណើរទៅដល់ព្រំដែនរវាងទីក្រុង Ciudad Juárez និងទីក្រុង El Paso នៃរដ្ឋតិចសាស់ រួចហើយកាលពីថ្ងៃពុធទី៥ខែកុម្ភៈឆ្នាំ២០២៥។

ចលនាពង្រាយទ័ពនេះ ធ្វើឡើងបន្ទាប់ពីលោក ត្រាំ បានប្រកាសថា លោកនឹងពន្យារពេលការដាក់ពន្ធ ២៥% លើប្រទេសម៉ិកស៊ិកយ៉ាងហោចណាស់ចំនួន១ខែ។ ដោយជាថ្នូរនឹងការពន្យារពេល ប្រធានាធិបតីម៉ិកស៊ិក លោកស្រី Claudia Sheinbaum បានសន្យាថា លោកស្រីនឹងបញ្ជូនឆ្មាំជាតិរបស់ប្រទេសទៅពង្រឹងព្រំដែន និងបង្ក្រាបការរត់ពន្ធសារធាតុញៀន fentanyl។

លោក ត្រាំ បានប្រកាសភាពអាសន្ននៅតាមព្រំដែន បើទោះបីជាកម្រិតនៃការធ្វើចំណាកស្រុក និងការនាំចូលសារធាតុញៀន fentanyl ធ្លាក់ចុះយ៉ាងខ្លាំងកាលពីឆ្នាំមុនក៏ដោយ។

អាមេរិក បានលើកឡើងថា ខ្លួននឹងចូលរួមចំណែកផងដែរនៅលើការរឹតបន្តឹងព្រំដែនរវាងប្រទេសទាំង២ ដោយនឹងធ្វើការបន្ថែមទៀតបញ្ឈប់ការនាំចេញកាំភ្លើងអាមេរិកខុសច្បាប់ទៅកាន់ម៉ិកស៊ិក ដោយក្រុមឧក្រិដ្ឋជនជួញដូរមនុស្ស៕

ដោយ៖ ឈាង

ចុចអាន៖ ត្រាំ ផ្អាកយកពន្ធលើម៉ិកស៊ិកនិងកាណាដា ៣០ថ្ងៃសិន