លើកទី១! ហ្វីលីពីន រកឃើញអ្នកឆ្លងកូវីដខ្ពស់បំផុតមិនធ្លាប់មាន មួយថ្ងៃជាង៧ពាន់ករណី

នៅថ្ងៃសុក្រនេះ ប្រទេសហ្វីលីពីនបានរាយការណ៍ករណីជំងឺកូវីដ១៩ថ្មីចំនួន៧,១០៣ករណី ដែលនេះជាចំនួនប្រចាំថ្ងៃខ្ពស់បំផុតក្នុងកម្រិតកំណត់ត្រារបស់ប្រទេស ចាប់តាំងពីរោគរាតត្បាតផ្ទុះឡើងកាលពីមួយឆ្នាំកន្លងទៅ។

ចំនួននេះ ធ្វើឲ្យចំនួនអ្នកឆ្លងសរុបទូទាំងប្រទេសកើនឡើងដល់ ៦៤៨,០៦៦ករណី។

ចំនួននេះបានបំបែកកំណត់ត្រាចាស់នៃករណីឆ្លងប្រចាំថ្ងៃរបស់ប្រទេសហ្វីលីពីន ដែលកាលពីថ្ងៃទី១០ខែសីហាឆ្នាំមុន ក្រសួងសុខាភិបាលបានប្រកាសការឆ្លងប្រចាំថ្ងៃខ្ពស់បំផុត ៦,៨៦១ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ របាយការណ៍សរុបនៅថ្ងៃសុក្រនេះ មិនរាប់បញ្ចូលលទ្ធផលពីមន្ទីរពិសោធន៍ដែលត្រូវបានទទួលស្គាល់ចំនួន៥ទេ ដោយសារតែមិនបានបញ្ជូនទិន្នន័យទាន់ពេលវេលា។

ស្របពេលជាមួយគ្នានោះដែរ ក្រសួងសុខាភិបាលបានកត់ត្រាការស្លាប់ដោយសារជំងឺកូវីដ១៩ ចំនួន១៣នាក់ទៀត ដែលនាំឲ្យចំនួនអ្នកស្លាប់ដោយសារជំងឺនេះនៅប្រទេសហ្វីលីពីនកើនដល់ ១២,៩០០នាក់។

ចំណែកអ្នកជាសះស្បើយបានកើនឡើងដល់ ៥៦១,៩០២នាក់ក្រោយពេលមនុស្ស៣៩០នាក់ត្រូវបានអនុញ្ញាតឲ្យចាកចេញពីមន្ទីរពទ្យ៕

ប្រែសម្រួលដោយ៖ Vann Vann

ប្រភព៖​ ABS-CBN

ចុចអាន៖ អង់គ្លេស រកឃើញវីរុសកូវីដបំប្លែងខ្លួនថ្មីមួយប្រភេទទៀត មានដើមកំណើតនៅហ្វីលីពីន

ចុចអាន៖ មួយថ្ងៃ ហ្វីលីពីន រកឃើញអ្នកឆ្លងកូវីដ៣,៧៤៩ករណី មិនធ្លាប់មានសោះក្នុងរយៈពេលជិត៦ខែ