អង់គ្លេស រកឃើញវីរុសកូវីដបំប្លែងខ្លួនថ្មីមួយប្រភេទទៀត មានដើមកំណើតនៅហ្វីលីពីន

២ករណីនៃវីរុសកូរ៉ូណាបំប្លែងខ្លួនថ្មីដែលលេចចេញជាលើកដំបូងនៅក្នុងប្រទេសហ្វីលីពីន ត្រូវបានរកឃើញនៅចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន គេមិនទាន់ដឹងទេថាតើករណីទាំងនេះត្រូវបានគេរកឃើញនៅឯណាក្នុងប្រទេសនេះ ឬថាតើវីរុសនេះឆ្លងសាហាវជាងវីរុសបំប្លែងខ្លួនមុនៗផ្សេងទៀតដែរឬក៏អត់។

ករណីមួយក្នុងចំណោមករណីទាំងពីរ ត្រូវបានផ្សារភ្ជាប់ទៅនឹងការធ្វើដំណើរអន្តរជាតិ។ ចំណែកករណីមួយទៀតគឺមិនមែនជាករណីនាំចូលទេ ដែលនេះជាហេតុជំរុញឲ្យមានក្តីព្រួយបារម្ភអំពីការចម្លងក្នុងសហគមន៍។

នៅក្នុងសេចក្តីថ្លែងការណ៍មួយ សេវាសុខភាពសាធារណៈអង់គ្លេសបាននិយាយថា “វីរុសបំប្លែងខ្លួននេះ រួមបញ្ចូលទាំងកំឡាយគួរឲ្យកត់សម្គាល់មួយចំនួនផងដែររួមមាន E484K និង N501Y ដែលត្រូវបានគេរកឃើញនៅក្នុងវីរុសគួរឲ្យព្រួយបារម្ភផ្សេងទៀត។

សេវាសុខភាពសាធារណៈអង់គ្លេសបានរកឃើញពីរករណីនៃវីរុសនេះ នៅក្នុងប្រទេសអង់គ្លេស។ ករណីមួយត្រូវបានផ្សារភ្ជាប់ជាមួយនឹងការធ្វើដំណើរអន្តរជាតិ ហើយមួយទៀតកំពុងស្ថិតក្រោមការស៊ើបអង្កេត។

អន្តរាគមន៍សុខភាពសាធារណៈសមស្របទាំងអស់ កំពុងត្រូវបានអនុវត្ត។

កាលពីចុងខែមុន ករណីនៃជំងឺកូវីដបំប្លែងខ្លួននេះ ត្រូវបានរកឃើញនៅក្នុងខ្លួនអ្នកធ្វើដំណើរម្នាក់ដែលបានទៅដល់ប្រទេសជប៉ុន ក្រោយពេលចាកចេញពីប្រទេសហ្វីលីពីន។

បុរសដែលមានអាយុ៦០ឆ្នាំរូបនេះ មិនបង្ហាញរោគសញ្ញាទេ នៅពេលគាត់មកដល់អាកាសយានដ្ឋាន Narita ក្បែរទីក្រុងតូក្យូកាលពីថ្ងៃទី២៥ខែកុម្ភៈ។

រហូតមកដល់ពេលនេះ រដ្ឋាភិបាលហ្វីលីពីនមិនទាន់ហ៊ាននិយាយទេថា តើផលប៉ះពាល់នៃវីរុសនេះ មានខ្លាំងប៉ុនណា៕

ប្រែសម្រួលដោយ៖ Vann Vann

ប្រភព៖ Mirror

ចុចអាន៖ រុស្ស៊ីអះអាងថា វ៉ាក់សាំង Sputnik V មានប្រសិទ្ធភាពប្រឆាំងវីរុសបំប្លែងខ្លួនអង់គ្លេស

ចុចអាន៖ វីរុសបំប្លែងខ្លួនកំពុងរាលដាលនៅកម្ពុជា អាចសម្លាប់មនុស្សសាហាវជាងកូវីដដល់ទៅទ្វេដងឯណោះ