ព័ត៌មានអន្ដរជាតិ
ថ្ងៃនេះ អ្នកតវ៉ាមីយ៉ាន់ម៉ាតវ៉ាស្ងប់ស្ងាត់«បិទអ្វីៗទាំងអស់» ក្រោយកុមារី៧ឆ្នាំត្រូវបានសម្លាប់
សកម្មជនមីយ៉ាន់ម៉ាដាក់ផែនការតរ៉ាប្រឆាំងរបបយោធាបន្ថែមទៀតនៅថ្ងៃពុធនេះ ក្នុងនោះមានការតវ៉ាស្ងប់ស្ងាត់ដោយពាណិជ្ជកម្មជាច្រើនត្រូវបិទទ្វារ និងអំពាវនាវឲ្យប្រជាជនស្ថិតនៅផ្ទះ។
គម្រោងតវ៉ាថ្មីបន្ថែមនេះ បន្ទាប់ពីក្មេងស្រីអាយុ៧ឆ្នាំម្នាក់ត្រូវបានសម្លាប់នៅផ្ទះរបស់នាងនៅពេលកម្លាំងសន្តិសុខបានបាញ់រះកំឡុងការបង្ក្រាបមួយនៅទីក្រុងម៉ាន់ដាឡាយ។ ប៉ុន្មានថ្ងៃមុន ក្រុមតវ៉ាក៏បានដាក់ផែនការតវ៉ានៅទីវាលស្រឡះៗដើម្បីងាយស្រួលក្នុងការរត់គេចចេញពីការចាប់ខ្លួនរបស់កម្លាំងសន្តិសុខ។
អ្នកតវ៉ាគាំទ្រលទ្ធិប្រជាធិបតេយ្យក៏បានដុតភ្លើងទៀនបំភ្លឺនៅពេលយប់ដើម្បីជាការប្រុងប្រយ័ត្នបន្ថែមទៀតនៅខណ្ឌមួយក្នុងទីក្រុងយ៉ាំងហ្គោន និងទីក្រុង Thahton ក្នុងរដ្ឋ Mon State។
ការប្រុងប្រយ័ត្ននេះបានកើតឡើង បន្ទាប់បុគ្គលិកនៅសេវាកម្មបុណ្យសពមួយនៅទីក្រុងម៉ាន់ដាឡាយបានប្រាប់ Reuters នៅថ្ងៃអង្គារថា ក្មេងស្រីអាយុ៧ឆ្នាំម្នាក់ត្រូវបានសម្លាប់ដោយសារត្រូវគ្រាប់កាំភ្លើង ដែលបានក្លាយជាជនរងគ្រោះក្មេងជាងគេបំផុតក្នុងចំណោមអ្នកស្លាប់ពីការបង្ក្រាបរបស់កម្លាំងយោធាចាប់តាំងពីរដ្ឋប្រហារទី១កុម្ភៈមក។
ទាហានបានបាញ់ឪពុករបស់ក្មេងស្រីនោះ ប៉ុន្តែត្រូវកូនស្រីតូចដែលកំពុងអង្គុយលើភ្លៅរបស់ឪពុកនៅផ្ទះ។ នេះបើតាមបងស្រីរបស់កុមារីបានប្រាប់អ្នកព័ត៌មាន។ បុរសពីរនាក់ក៏ត្រូវបានសម្លាប់នៅក្នុងខណ្ឌនោះដែរ។
នៅក្នុងអ្វីដែលឥឡូវនេះបានក្លាយស្បែងមរណៈរវាងជនស៊ីវិលដៃទទេជាមួយកម្លាំងសន្តិសុខប្រដាប់ដោយអាវុធនៅលើដងផ្លូវ ដែលជំរុញឲ្យសកម្មជនប្រជាធិបតេយ្យបានផ្លាស់ប្តូររបៀបធ្វើការតវ៉ា និងដាក់ផែនការតវ៉ាដោយស្ងប់ស្ងាត់នៅថ្ងៃពុធនេះ។
អ្នកតវ៉ាឈ្មោះ Nobel Aung ជាងគំនូរម្នាក់បាននិយាយថា ៖«មិនចេញទៅក្រៅ ហាងបិទ មិនធ្វើការ។ អ្វីៗបិទទាំងអស់។ គ្រាន់តែមួយថ្ងៃប៉ុណ្ណោះ»។
របបយោធាបានប្រឈមនឹងការថ្កោលទោសអន្តរជាតិជាច្រើនមកហើយសម្រាប់រដ្ឋប្រហារបស់ពួកគេដែលបានធ្វើឲ្យប្រែប្រួលលទ្ធិប្រជាធិបតេយ្យ និងបានបង្ក្រាបដ៏ឃោឃៅលើអ្នកតវ៉ា៕
អត្ថបទជាច្រើនទៀតពាក់ព័ន្ធនឹងប្រទេសមីយ៉ាន់ម៉ សូមចុច រដ្ឋប្រហារ
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៥ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន