ព័ត៌មានអន្ដរជាតិ

ក្រុមបាតុករប្រឆាំងសេចក្តីព្រាងច្បាប់ «កាស៊ីណូ»ថៃ ប្រកាសប្រមូលផ្តុំតវ៉ារាល់ថ្ងៃ

បានផុស

២ ខែ មុន

នៅ

ថ្ងៃព្រហស្បតិ៍ ១០ មេសា ២០២៥

ដោយ

អតីមេដឹកនាំក្រុមអាវក្រហម លោក ចតុផន ព្រំផាន់ (Chattuphan Promphan) ដែលធ្លាប់គាំទ្រលោកថាក់ស៊ីន ស៊ីណាវ៉ាត្រា បានប្រកាសប្រមូលផ្តុំការតវ៉ាជារៀងរាល់ថ្ងៃនៅមុខវិមានរដ្ឋាភិបាលរហូតទាល់តែរដ្ឋាភិបាលយល់ព្រមទម្លាក់ចោលសេចក្តីព្រាងច្បាប់ដ៏ចម្រូងចម្រាសមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសារព័ត៌មានថៃ Amarintv បានរាយការណ៍ថា ចាប់ពីវេលាម៉ោង៩ព្រឹកថ្ងៃទី៩ខែមេសា ឆ្នាំ២០២៥នេះ ក្រុមបណ្តាញនិស្សិតនិងប្រជាជនដើម្បីកំណែទម្រង់ប្រទេសថៃ រួមជាមួយនឹងក្រុមកងទ័ពព្រះធម៌ និងបណ្តាញផ្សេងៗទៀតសរុបប្រមាណជាង៣០០នាក់ ដែលដឹកនាំដោយ លោក ចតុផន ព្រំផាន់ អតីមេដឹកនាំក្រុមអាវក្រហមដែលធ្លាប់គាំទ្រយ៉ាងប្តូរផ្តាច់ចំពោះលោក ថាក់ស៊ីន ស៊ីណាវ៉ាត្រា បានដឹកនាំការប្រមូលផ្តុំនៅផ្លូវប្រសព្វបាងក្របឿ (Bang Krabue)ក្រុងបាងកក។

ការជួបជុំរបស់ពួកគេ គឺដើម្បីហែក្បួនទៅកាន់វិមានរដ្ឋសភាដើម្បីប្រឆាំងនឹងសេចក្តីព្រាងច្បាប់ស្តីពីអាជីវកម្មកម្សាន្តគ្រប់ប្រភេទ ព្រមទាំងបានលើកបដាដែលមានសរសេរខ្លឹមសារថា៖ «NO CASINO»។ ជាមួយគ្នានេះ គេឃើញក្រុមមេដឹកនាំបានផ្លាស់ប្តូរវេនគ្នាវាយប្រហាររដ្ឋាភិបាលដោយផ្តោតលើការប្រឆាំងនឹងសេចក្តីព្រាងច្បាប់ស្តីពីអាជីវកម្មកម្សាន្តគ្រប់ប្រភេទនេះ និងប្រកាសពួកគេនឹងធ្វើការតវ៉ារហូតទាល់តែរដ្ឋាភិបាលព្រមលុបចោលប៉ុណ្ណោះ។

រដ្ឋាភិបាលថៃបានដែលគ្រោងដាក់សេចក្តីព្រាងច្បាប់អាជីវកម្មកម្សាន្ត ឬហៅម្យ៉ាងទៀតថា ច្បាប់កាស៊ីណូ ទៅកាន់រដ្ឋសភានៅថ្ងៃពុធ ប៉ុន្តែត្រូវព្យួរវិញដោយសារតែកិច្ចការអាទិភាពផ្សេងច្រើនត្រូវធ្វើ មានការដោះស្រាយពន្ធអាករជាមួយអាមេរិក និងផលប៉ះពាល់ពីគ្រោះរញ្ជួយដីជាដើម។

អតីតមេដឹកនាំក្រុមអាវក្រហមនិងជាសកម្មជនប្រឆាំងដ៏លេចធ្លោក្នុងសង្គមថៃលោក ចតុផន ព្រំផាន់ បានដឹកនាំចលនាប្រឆាំងនឹងច្បាប់ស្តីពីអាជីវកម្មកម្សាន្តគ្រប់ប្រភេទនិងកាស៊ីណូ ដែលគណៈរដ្ឋមន្ត្រីរបស់រដ្ឋាភិបាលគណបក្សភឿថៃ ក្រោមការដឹកនាំរបស់លោកស្រី ផែថងថាន ស៊ីណាវ៉ាត្រា កូនស្រីពៅរបស់លោក ថាក់ស៊ីន បានអនុម័ត្ររួចហើយ និងបានព្យាយាមជំរុញសេចក្តីព្រាងច្បាប់ស្តីពីអាជីវកម្មកម្សាន្តគ្រប់ប្រភេទនិងកាស៊ីណូនេះឱ្យក្លាយជាច្បាប់ពេញលេញគាំទ្រដោយរដ្ឋសភា។

ប្រឈមមុខនឹងការប្រឆាំងរបស់ក្រុមសកម្មជនផ្សេងៗ នាយករដ្ឋមន្ត្រីថៃ ផែថងថាន ស៊ីណាវ៉ាត្រា បានអះអាងរួចស្រេចហើយថា រដ្ឋាភិបាលថៃនឹងមកដកថយចំពោះច្បាប់បនល្បែងនេះទេ៕

ភ្នាក់ងារ