ព័ត៌មានអន្ដរជាតិ

នាយករដ្ឋមន្ត្រីថៃ ចេញបញ្ជាឲ្យវាយកម្ទេចស្នាក់ការប៉ូលិសនៅបាងកក

បានផុស

១០ ខែ មុន

នៅ

ថ្ងៃសៅរ៍ ៤ តុលា ២០២៥

ដោយ

នាយករដ្ឋមន្ត្រីថៃ លោក អានុទីន ចានវីរៈគុល (Anutin Charnvirakul) បានបញ្ជាឲ្យវាយកម្ទេចអគារស្ថានីយ៍ប៉ូលីសជាបន្ទាន់ បន្ទាប់ពីពិនិត្យឃើញថា អគារនោះបាក់គ្រឹះបណ្តាលមកពីការបាក់ដីលិចទៅក្រោមកាលពីចុងខែកញ្ញា។

ការបាក់ដីលិចទៅក្រោម បានកើតឡើងជាច្រើនកន្លែងរហូតមកដល់ពេលនេះ បន្ទាប់ពីការបាក់ដីដ៏រន្ធត់ក្នុងទីក្រុងបាងកក លើកដំបូងកាលពីថ្ងៃទី២៤ខែកញ្ញា ដោយលិចចុះទៅក្រោមជម្រៅប្រមាណ៥០ម៉ែត្រ ចំថ្ងៃដែលនាយករដ្ឋមន្ត្រី អានុទីន ដឹកនាំគណៈរដ្ឋមន្ត្រី ចូលស្បថនៅមុខព្រះមហាក្សត្រថៃ។

អគារស្នាក់ការប៉ូលិសថៃដែលខូចខាតគ្រឹះដោយសារបាក់ដីដីជ្រៅកន្លងមក។ Thai media

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងសារព័ត៌មាន The Straits times នាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ លោក អានុទីន នៅថ្ងៃទី៤ ខែតុលា បានផ្តល់ដំណោះស្រាយសម្រេចឲ្យកម្ទេចស្ថានីយ៍ប៉ូលិសដែលស្ថិតនៅទល់មុខ មន្ទីរពេទ្យ Vajira នៅតំបន់ដែលបាក់ដីលិចចុះជម្រៅរហូតដល់៥០ម៉ែត្រនោះ។

ក្រោយពីការវាយតម្លៃអគារនេះ គេបានរកឃើញគំនរគ្រឹះបន្ថែមទៀតដែលបាក់ដោយសារប្រហោងលិចដែលកើតឡើងកាលពីថ្ងៃទី២៤ ខែកញ្ញា។

លោក អានុទីន ចានវីរៈគុល បញ្ជាក់ថា៖ «ផ្អែកតាមការចុះពិនិត្យនៅយប់ថ្ងៃទី៣តុលា ខ្ញុំយល់ស្របផ្ទាល់ខ្លួនថា អគារនេះត្រូវតែរុះរើ ប៉ូលិសត្រូវការកន្លែងថ្មីធ្វើការ ព្រោះរចនាសម្ព័ន្ធបានចាប់ផ្តើមផ្តាច់ចេញពីស្នូល»៕