ព័ត៌មានអន្ដរជាតិ

សហភាពអឺរ៉ុបទាមទារឲ្យមានការទទួលខុសត្រូវចំពោះការប្រហារលើសាលារៀននៅមីយ៉ាន់ម៉ា

បានផុស

១ year មុន

នៅ

ថ្ងៃព្រហស្បតិ៍ ១៥ ឧសភា ២០២៥

ដោយ

សហភាពអឺរ៉ុបកាលពីថ្ងៃពុធបានសម្តែងការខកចិត្តនិងតក់ស្លុតចំពោះការវាយប្រហារតាមអាកាសដ៏សាហាវទៅលើសាលារៀនមួយនៅកណ្តាលប្រទេសមីយ៉ាន់ម៉ាដោយព្រមានថា «ជនល្មើសត្រូវតែទទួលខុសត្រូវចំពោះអំពើឃោរឃៅនេះ»។ នេះបើយោងតាមការចេញផ្សាយរបស់ Mizzima News នៅថ្ងៃទី១៥ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមបុគ្គលិកសាលា អ្នកគ្រប់គ្រងក្នុងតំបន់ និងសាក្សីផ្សេងទៀតបាននិយាយថា ការវាយប្រហារតាមអាកាសរបស់រដ្ឋាភិបាលមីយ៉ាន់ម៉ាកាលពីថ្ងៃចន្ទបានសម្លាប់សិស្ស ២៣នាក់ និងគ្រូបង្រៀនពីរនាក់នៅក្នុងភូមិ Oe Htein Kwin ក្នុងតំបន់ Sagaing របស់ប្រទេសមីយ៉ាន់ម៉ា។

អ្នកនាំពាក្យក្រសួងការបរទេសសហភាពអឺរ៉ុប លោកស្រី Anitta Hipper បាននិយាយនៅលើ Xថា៖«សូមចូលរួមរំលែកទុក្ខយ៉ាងក្រៀមក្រំបំផុតចំពោះគ្រួសារជនរងគ្រោះ ដែលភាគច្រើនជាកុមារ»។

ការវាយប្រហារនេះបានកើតឡើងក្នុងអំឡុងពេលបទឈប់បាញ់មួយ ដើម្បីបន្ធូរបន្ថយជំនួយបន្ទាប់ពីការរញ្ជួយដីកម្រិត ៧.៧ រិចទ័រកាលពីខែមីនា រវាងរបបយោធាដែលបានដណ្តើមអំណាចនៅឆ្នាំ ២០២១ និងក្រុមអ្នកប្រយុទ្ធប្រឆាំងយោធា។ ទោះមានបទឈប់បាញ់តែការវាយប្រហារហាក់នៅតែបន្តឥតឈប់ឈរ និងបន្តសម្លាប់ជនស៊ីវិលកាន់តែច្រើន ទោះបីប្រទេសទើបតែជួបគ្រោះរញ្ជួយដីហើយក៏ដោយ៕