ព័ត៌មានអន្ដរជាតិ

តួលេខចុងក្រោយ មីយ៉ាន់ម៉ាមានអ្នកស្លាប់៣៧២៨នាក់ និងបាត់ខ្លួន៧៩នាក់ ខណៈការរុករកនៅបន្ត

បានផុស

១ year មុន

នៅ

ថ្ងៃពុធ ២១ ឧសភា ២០២៥

ដោយ

អាជ្ញាធររបបយោធាមីយ៉ាន់ម៉ា បានចេញផ្សាយតួលេខអ្នកស្លាប់ រងរបួសនិងបាត់ខ្លួនចុងក្រោយបង្អស់ពីការរញ្ជួយដីកាលពីថ្ងៃទី២៨ខែមីនា ឆ្នាំ២០២៥ បង្ហាញឲ្យឃើញថា មានមនុស្សស្លាប់សរុប៣៧២៨នាក់ រងរបួស៥១០៤នាក់ និងបាត់ខ្លួន៧៩នាក់។ នេះបើយោងតាមសារព័ត៌មាន MGR Online ដែលចុះផ្សាយនៅថ្ងៃទី២០ខែឧសភា ឆ្នាំ២០២៥។

សកម្មភាពក្រុមជួយសង្គ្រោះនៅតំបន់អគារខុនដូស្កាយវីឡាក្នុងប្រទេសមីយ៉ាន់ម៉ា។ Social Media

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបូកសរុបចុងក្រោយនេះ ត្រូវបានប្រមូលចងក្រងនិងផ្សព្វផ្សាយដោយ នាយកដ្ឋានពន្លត់អគ្គីភ័យមីយ៉ាន់ម៉ា (Myanmar Fire Services Department) ដែលជាទីភ្នាក់ងារកណ្តាលក្នុងការប្រមូលព័ត៌មានពីការជួយសង្គ្រោះអាយុជីវិត និងការរុករកសាកសពអ្នកស្លាប់ដោយសារការរញ្ជួយដីក្នុងប្រទេសមីយ៉ាន់ម៉ាកាលពីថ្ងៃទី២៨ ខែមីនា ឆ្នាំ២០២៥។

ហេតុការណ៍គ្រោះរញ្ជួយដីដ៏មហាសែនបំផ្លិចបំផ្លាញនេះ បានបំផ្លាញតំបន់សំខាន់ៗចំនួន៦នៃប្រទេសមីយ៉ាន់ម៉ារួមមាន៖ តំបន់ Sagaing តំបន់ Mandalay តំបន់ Magway តំបន់ Bago ភាគខាងជើងនៃរដ្ឋសាន (Shan) និងរដ្ឋធានីណៃពិដោ (Naypyidaw)។

សេចក្តីរាយការណ៍បានបន្តថា ចាប់តាំងពីការរញ្ជួយដីមក មានមនុស្សសរុបចំនួន៦៥៣នាក់ត្រូវបានជួយសង្គ្រោះពីអគារដែលបាក់រលំ និងរកឃើញសាកសពចំនួន៨០៥នាក់ពីគំនរអគារបាក់រលំ។

សេចក្តីរាយការណ៍ បានគួសបញ្ជាក់ថា អគារខុនដូស្កាយវីឡា (Sky Villa) កម្ពស់១០ជាន់ស្ថិតនៅក្នុងទីក្រុងបុរាណម៉ាន់ដាឡេ (Mandalay) គឺជាអគារដែលមានអ្នកស្លាប់ច្រើនជាងគេបំផុត។

ក្នុងរយៈពេលជិត២ខែកន្លងមកនេះ ក្រុមជួយសង្គ្រោះ បានជួយសង្គ្រោះអាយុជីវិមនុស្សជាង៥០នាក់ដែលជាប់នៅក្រោមគំនរអគារបាក់រំលំ និងរុករកសាកសពបានជាង១០០នាក់ចេញពីគំនរអគារបាក់រលំ និងរហូតមកដល់ពេលនេះ ក្រុមជួយសង្គ្រោះនៅតែបន្តរករកសាកសពអ្នកដែលជាប់នៅក្រោមគំនរបាក់រលំនៃអគារខុនដូស្កាយវីឡា (Sky Villa) នៅឡើយ និងនៅតែបន្តរកឃើញសាកសពនៅក្រោមគំនរបាក់រលំនៃអគារខុនដូមួយនេះជារៀងរាល់ថ្ងៃ។

យោងតាមរបាយការណ៍ចុងក្រោយបង្អស់នៅវេលាម៉ោង៣:០៥នាទីរសៀលថ្ងៃទី២០ ខែឧសភា បានឱ្យដឹងថា ក្រុមជួយសង្គ្រោះបានរកឃើញសាកសពនារីម្នាក់ទៀតពីក្រោមគំនរថ្មបាក់បែកនៃអគារខុនដូស្កាយវីឡាមួយនេះ៕

ដោយ ភ្នាក់ងារ