ព័ត៌មានអន្ដរជាតិ

ស្ថានភាពនយោបាយថៃមិនស្ងប់ស្ងាត់តាមការសុំទោសរបស់ផែថងថានឡើយ

បានផុស

២ នាទីutes មុន

នៅ

ថ្ងៃសុក្រ ២០ មិថុនា ២០២៥

ដោយ

ស្ថានភាពនយោបាយផ្ទៃក្នុងរបស់ប្រទេសថៃ នៅបន្ត្តក្តៅគគុកនៅឡើយ ដោយបង្ហាញឲ្យឃើញពីការដកសេចក្តីទុកចិត្តលើនាយករដ្ឋមន្ត្រី ផែថងថាន ស៊ីណាវ៉ាត្រ និងការទាមទារឲ្យចុះចេញពីអំណាច បើទោះបីជា លោកស្រី ផែថងថាន បានចេញមុខសុំទោសជាសាធារណៈរហូតដល់ទៅពីរលោករួចទៅហើយ។

នាយករដ្ឋន្ត្រីថៃ ផែថងថាន ក្នុងពេលកន្លងមក។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយៈពេល៤ថ្ងៃ បន្ទាប់ពីការលេចធ្លាយសារសន្ទនារវាង សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និង លោកស្រី ផែថងថាន ស៊ីណាវ៉ាត្រ នាយករដ្ឋមន្ត្រីថៃ ដែលត្រូវបានគេមើលឃើញថា មិនមានអំណាចគ្រប់គ្រាន់ក្នុងការសម្រេចលើស្ថានភាពបិទព្រំដែនដែនថៃ ស្ថានភាពនយោនៅតែពុះកញ្ជ្រោលនៅឡើយ ដោយគណបក្សក្នុងរដ្ឋាភិបាលចម្រុះបានបើកកិច្ចប្រជុំបន្ទាន់ជាបន្តបន្ទាប់ក្នុងគណបក្សរបស់ពួកគេរៀងៗខ្លួន។

ក្រោយការប្រជុំគណៈកម្មាធិការប្រតិបត្តិរបស់គណបក្សនិមួយៗ បានចេញសេចក្តីសេចក្តីថ្លែងការណ៍រៀងៗ ដោយគណបក្សខ្លះទាមទារឲ្យមានការកែទម្រង់រដ្ឋាភិបាល គណបក្សខ្លះទាមទារឲ្យលោកស្រី ផែថងថាន ចុះចេញពីអំណាច ដោយដាក់ជំនួសនូវបេក្ខភាពនាយករដ្ឋមន្ត្រីថ្មីមកពីគណបក្សភឿថៃ។

លោកស្រី ផែថងថាន ស៊ីណាវ៉ាត្រ បានចេញបកស្រាយ និងសុំទោសជាធារណៈនៅថ្ងៃទី១៩ខែមិថុនា ក្រោយប្រជុំជាមួយមេទ័ពសំខាន់ៗ ដោយមានវត្តមានរបស់រដ្ឋមន្ត្រីការពារជាតិផង បន្ទាប់ពីមានការលេចធ្លាយការសន្ទនាជាមួយប្រធានព្រឹទ្ធសភាកម្ពុជា សម្តេច ហ៊ុន សែន។

នៅថ្ងៃទី២០នេះ មេបណ្តាញបាតុករ បានប្រកាសប្រមូលផ្តុំការតវ៉ានៅប៉ុន្មានថ្ងៃខាងមុខ ខណៈគណបក្សនយោបាយនានាបានចេញមុខទាមទារជាបន្តបន្ទាប់ដូចគ្នា។ សារព័ត៌មាន The Nation បានរាយការណ៍ថា ភាពមិនពេញចិត្ត និងប្រតិកម្មពីសំណាក់មន្ត្រីកំពូលក្នុងរដ្ឋាភិបាលចម្រុះ និងពីមហាជនមួយចំនួន នៅតែមិនស្រាកស្រាននៅឡើយ៕

រ៉ាន់ រើយ