ព័ត៌មានអន្ដរជាតិ

ទឹកជំនន់នៅភាគខាងជើងឥណ្ឌា ឆក់យកជីវិតមនុស្ស៣នាក់ និងបាត់ខ្លួនរាប់សិបនាក់

បានផុស

៣ សប្តាហ៍ មុន

នៅ

ថ្ងៃសុក្រ ២៧ មិថុនា ២០២៥

ដោយ

ភ្លៀងធ្លាក់ខ្លាំងនៅ Himachal Pradesh ជារដ្ឋសម្បូរដោយភ្នំនៅភាគខាងជើងប្រទេសឥណ្ឌា បានបង្កជាទឹកជំនន់ភ្លាមៗ ដែលបានសម្លាប់មនុស្សយ៉ាងហោចណាស់ ៣នាក់ និងបាត់ខ្លួនរាប់សិបនាក់។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២៧ខែមិថុនានេះ។

ក្រុមជួយសង្គ្រោះស្រង់យកសាសពក្រោយទឹកជំនន់ហូរនាំទៅ។ រូបភាព៖ AP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឲ្យដឹងថា កម្មករពី ១៥ ទៅ ២០នាក់ ដែលសម្រាកនៅក្បែរគម្រោងវារីអគ្គិសនីត្រូវបានទឹកហូរនាំទៅនៅពេលដែលកម្ពស់ទឹកបានកើនឡើងយ៉ាងខ្លាំងនៅក្នុងអាងស្តុកទឹកក្បែរនោះ។ ប្រតិបត្តិការជួយសង្គ្រោះកំពុងបន្តដោយមានមនុស្សយ៉ាងហោចណាស់ប្រាំបីនាក់ បានរាយការណ៍ថាបានបាត់ខ្លួនក្នុងក្រុង Kangra និងបីនាក់នៅក្បែរក្រុង Kullu។ ចំណែកអ្នកទេសចរប្រហែល ៥០ នាក់ត្រូវបានជម្លៀសដោយសុវត្ថិភាពពីតំបន់នោះ។

ទឹកជំនន់ភ្លាមៗគឺជារឿងធម្មតានៅក្នុងរដូវខ្យល់មូសុងរបស់ប្រទេសឥណ្ឌា ជាពិសេសនៅក្នុងរដ្ឋជាតំបន់ភ្នំ។ អ្នកជំនាញ និងអ្នកបរិស្ថានបានស្តីបន្ទោសការកាប់បំផ្លាញព្រៃឈើយ៉ាងឆាប់រហ័ស និងគម្រោងអភិវឌ្ឍន៍ដែលមិនបានត្រួតពិនិត្យ រួមទាំងការពង្រីកវារីអគ្គិសនី សម្រាប់ការបង្កើនភាពងាយរងគ្រោះក្នុងតំបន់ចំពោះគ្រោះមហន្តរាយបែបនេះ៕