ព័ត៌មានអន្ដរជាតិ

កងទ័ពអាកាសថៃ RTAF ភ័យខ្លួនក្រោយប្រើ F-16 និងGripen វាយប្រហារកម្ពុជា

បានផុស

១១ ខែ មុន

នៅ

ថ្ងៃអង្គារ ២៩ កក្កដា ២០២៥

ដោយ

ខណៈពេលដែលកម្ពុជានិងថៃកំពុងស្ថិតនៅក្នុងដំណាក់កាលនៃការចាប់ផ្តើមអនុវត្តបទឈប់បាញ់ដែលចូលជាធរមានចាប់ពីដើមថ្ងៃទី២៩ខែកក្កដា ក្រោមការសម្របសម្រួលរបស់ប្រធានអាស៊ាន និងការអង្កេតការណ៍របស់មហាអំណាចសហរដ្ឋអាមេរិក និងមហាអំណាចចិន យោធាថៃហាក់ភ័យខ្លួនដោយសារតែ ប្រើយន្តហោះចម្បាំង F-16 និង Gripens។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រើប្រាស់យន្តហោះចម្បាំង F-16 និង Gripens ដើម្បីវាយប្រហារខ្លាំងក្លាហួសប្រមាណរបស់ភាគីថៃ ដោយវាយប្រហារចំលើទីតាំងវត្តអារាម ផ្ទះប្រជាជន ជាពិសេសតំបន់វប្បធម៌ប្រាសាទព្រះវិហារ ដែលបានចុះបញ្ជីក្នុងសម្បត្តិបេតិកភណ្ឌពិភពលោក នឹងធ្វើឲ្យថ្នាក់ដឹនាំថៃ និងមេបញ្ជាការ ប្រឈមបទចោទឧក្រិដ្ឋកម្មសង្គ្រាម (War Crime)។

កងទ័ពអាកាសថៃបានចេញមកអះអាងពីការប្រើប្រាស់យន្តហោះចម្បាំងទាំងពីរប្រភេទនេះ ដែលត្រូវបានចុះផ្សាយដោយសារសារព័ត៌មាន Khaosod English នៅថ្ងៃទី២៩ខែកក្កដា ដោយបញ្ជាក់ថាខ្លួនបានបញ្ជូនយន្តហោះចម្បាំង F-16 រួមជាមួយនឹង Gripens ដើម្បីគាំទ្រដល់កងកម្លាំងថ្មើជើង ក្នុងគោលបំណងវាយប្រហារឃ្លាំងអាវុធខ្មែរ។

ប៉ុន្តែការវាយប្រហាររបស់ពួកគេ ត្រូវបានគេសង្កេតឃើញថា បានវាយប្រហារចំលើតំបន់គោលដៅដែលត្រូវបានហាមឃាត់ដោយច្បាប់អន្តរជាតិ។

សារព័ត៌មានថៃខាងលើ បានស្រង់សម្តី លោក Prapas Sonjaiadee អ្នកនាំពាក្យនៃកងទ័ពអាកាសថៃ (RTAF) បានលើកឡើងថា ក្រោមផែនការប្រតិបត្តិការយោធារួម កងទ័ពអាកាសយោធាថៃ (RTAF) បានដាក់ពង្រាយកម្លាំងទ័ពអាកាសពីក្រុម F-16 និង Gripens របស់ខ្លួន ដើម្បីគាំទ្រការវាយលុករបស់កងទ័ពជើងគោក។

ក្នុងប្រតិបត្តិការប្រយុទ្ធរយៈពេល៥ថ្ងៃ តាមការចេញផ្សាយរបស់សារព័ត៌មានថៃនោះ RTAF បានប្រើប្រាស់យន្តហោះចម្បាំងខាងលើទាំងយប់ទាំងថ្ងៃ៕

រ៉ាន់ រើយ