ទឹកជំនន់សម្លាប់មនុស្សជាង ២៨០ នាក់ក្នុងប្រទេសឥណ្ឌា និងប៉ាគីស្ថាន

យោងតាមការចេញផ្សាយរបស់ទីភ្នាក់ងារព័ត៌មានAP នៅថ្ងៃទី១៦ខែសីហា ទឹកជំនន់ភ្លាមៗដែលបង្កឡើងដោយភ្លៀងធ្លាក់ខ្លាំងបានសម្លាប់មនុស្សជាង ២៨០ នាក់នៅក្នុងប្រទេសឥណ្ឌា និងប៉ាគីស្ថាន ដោយរាប់សិបនាក់នៅតែបាត់ខ្លួន និងរាប់ពាន់នាក់ត្រូវជម្លៀសចេញ។

នៅតំបន់កាស្មៀដែលគ្រប់គ្រងដោយឥណ្ឌា ព្យុះភ្លៀងដ៏ខ្លាំងមួយនៅក្នុងភូមិដាច់ស្រយាល Chositi កបានធ្វើឱ្យមនុស្សយ៉ាងហោចណាស់ ៦០ នាក់ស្លាប់ និង៨០នាក់បាត់ខ្លួន ដោយបានបោកបក់ចេញពីផ្ទះសម្បែង និងរថយន្តភាគច្រើនជាអ្នកធ្វើធម្មយាត្រានៅតំបន់នោះ។ កិច្ចខិតខំប្រឹងប្រែងជួយសង្គ្រោះបានជម្លៀសអ្នកធ្វើធម្មយាត្រាជិត ៤,០០០នាក់ ទោះបីជាប្រតិបត្តិការត្រូវបានរារាំងដោយបំណាក់ដី និងហេដ្ឋារចនាសម្ព័ន្ធដែលខូចខាតក៏ដោយ។

នៅក្នុងប្រទេសប៉ាគីស្ថាន ទឹកជំនន់បានបំផ្លិចបំផ្លាញស្រុក Buner ភាគពាយ័ព្យ ដោយបានសម្លាប់មនុស្ស ១៥៧នាក់ក្នុងមួយថ្ងៃ និងធ្វើឱ្យចំនួនអ្នកស្លាប់ដោយសារភ្លៀងទូទាំងប្រទេសចាប់តាំងពីខែមិថុនាមក ដល់៥៥៦នាក់ ។ អ្នកទេសចររាប់រយនាក់បានជាប់នៅក្នុងជ្រលងភ្នំ ខណៈដែលឧទ្ធម្ភាគចក្រសង្គ្រោះក៏បានធ្លាក់សម្លាប់មនុស្សប្រាំនាក់។

តំបន់ទាំងនេះនេះបានស៊ូទ្រាំនឹងទឹកជំនន់ម្តងហើយម្តងទៀតក្នុងប៉ុន្មានសប្តាហ៍ថ្មីៗនេះដោយអ្នកជំនាញអាកាសធាតុបានភ្ជាប់ការកើនឡើងនៃភាពធ្ងន់ធ្ងររបស់គ្រោះធម្មជាតិទៅនឹងការប្រែប្រួលអាកាសធាតុ។ អាជ្ញាធរនៃប្រទេសទាំងពីរបានប្រកាសអាសន្ន ចេញការជូនដំណឹងអំពីភ្លៀងធ្លាក់បន្ថែមទៀត និងបានព្រមានអ្នកដំណើរឱ្យជៀសវាងតំបន់ដែលមានហានិភ័យខ្ពស់៕

អត្ថបទ៖ ប៊ុន សុភាព