ព័ត៌មានអន្ដរជាតិ

ស្រ្តីចិន កើតជំងឺធ្លាក់ទឹកចិត្ត ក្រោយអ្នកសម្អាតបង្អួច ឃើញនាងដេកស្រាត

បានផុស

១០ ខែ មុន

នៅ

ថ្ងៃចន្ទ ១ កញ្ញា ២០២៥

ដោយ

ស្ត្រីម្នាក់នៅក្នុងប្រទេសចិន បានកើតជំងឺធ្លាក់ទឹកចិត្តភ្លាមៗ បន្ទាប់ពីបុរសពីរនាក់ជាអ្នកបោសសម្អាតបង្អួច បានឃើញនាងដេកស្រាតនៅក្នុងផ្ទះ។ ស្ថានភាពរបស់នាងបានទាក់ទាញប្រព័ន្ធផ្សព្វផ្សាយសង្គមដីគោក បន្ទាប់ពីស្វាមីមានឈ្មោះថា Cheng បានលាតត្រដាងពីស្ថានភាពនៅលើអ៊ីនធឺណិត កាលពីពាក់កណ្តាលខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Huashang News បានរាយការណ៍ថា ស្ត្រីរូបនេះនិងស្វាមីរស់នៅក្នុង Port Apartment ជាផ្ទះលំដាប់ខ្ពស់ក្នុងទីក្រុង Chengdu ក្នុងខេត្ត Sichuan ភាគនិរតី។ ពួកគេបង់ថ្លៃជួល ១០,០០០ យន់ (១,៤០០ ដុល្លារអាមេរិក) ក្នុងមួយខែ។

ចំពោះហេតុការណ៍នេះបានកើតឡើងកាលពីព្រឹកថ្ងៃទី២៥ ខែមេសា នៅពេលលោក Cheng កំពុងធ្វើការក្នុងបន្ទប់ស្នាក់នៅ ខណៈប្រពន្ធកំពុងដេកក្នុងបន្ទប់ ។ ភ្លាមៗនោះគាត់បានឮប្រពន្ធរបស់គាត់ស្រែកមួយវ៉ាស់មក ទើបគាត់រត់សម្ដៅទៅរករូបនាងភ្លាមៗ។

ប្តីប្រពន្ធនេះបានស្តីបន្ទោសក្រុមហ៊ុនគ្រប់គ្រងអចលនទ្រព្យថា មិនបានជូនដំណឹងដល់ពួកគេអំពីពេលវេលាពិតប្រាកដដែលអ្នកសម្អាតបង្អួចនឹងនៅខាងក្រៅផ្ទះល្វែងរបស់ពួកគេ។ ក្រោយមកខាងក្រុមហ៊ុនបែរជានិយាយថា ពួកគេភ្លេចជូនដំណឹងមកកាន់ពួកគាត់ទៅវិញ។

បុសរជាស្វាមីក៏បានបញ្ចាក់ទៀតថា ភរិយារបសគាត់មានស្មារតីភ័យខ្លាច តាំងពីថ្ងៃកើតហេតុមកមក ហើយត្រូវបានគេធ្វើរោគវិនិច្ឆ័យថាមានជំងឺធ្លាក់ទឹកចិត្ត និងថប់បារម្ភនៅក្នុងខែឧសភា។

ទោះជាយ៉ាងណាក៏ដោយ គូស្នេហ៍មួយគូនេះចង់បានការសុំទោសជាសាធារណៈពីក្រុមហ៊ុនគ្រប់គ្រងអចលនទ្រព្យ បូករួមទាំងប្រាក់សំណង សមហេតុផល។ លោក Cheng បាននិយាយថា សំណើទាំងពីរនេះត្រូវបានបដិសេធ។ លោកបានបន្តថា៖ «គេបានតែបញ្ជូនកម្មករម្នាក់ដែលមានកន្ត្រកផ្លែឈើមកផ្ទះរបស់យើងដើម្បីសុំទោសចំពោះបញ្ហាផ្លូវចិត្តរបស់ប្រពន្ធខ្ញុំនោះពួកគេមិនមានការព្រួយបារម្ភទេ»។

យ៉ាងណាមិញ ឧបទ្ទវហេតុនេះបានទាក់ទាញការចាប់អារម្មណ៍យ៉ាងទូលំទូលាយនៅលើប្រព័ន្ធផ្សព្វផ្សាយសង្គមថ្មីៗនេះក្រុមហ៊ុនបានយល់ព្រមកាត់បន្ថយការជួលចំនួន៦០០យន់ (៨០ ដុល្លារ) ក្នុងមួយខែប្រសិនបើពួកគេបន្តកិច្ចសន្យា។ ប៉ុន្តបុរសជាស្វាមីនៅតែមិនយលព្រម ដោយសារតែក្រុមហ៊ុនហាក់មិនឲ្យតម្លៃទៅលើផ្លូវចិត្តរបស់ភរិយាគាត់សូម្បីតែបន្តិចណាឡើយ៕