ព័ត៌មានអន្ដរជាតិ

ប្រធានាធិបតីឥណ្ឌូណេស៊ី ធ្វើដំណើរទៅចូលរួមក្បួនដង្ហែនៅចិន ទោះមានការតវ៉ាក្នុងប្រទេសក៏ដោយ

បានផុស

១១ ខែ មុន

នៅ

ថ្ងៃពុធ ៣ កញ្ញា ២០២៥

ដោយ

យោងតាមការចេញផ្សាយរបស់សារព័ត៌មាន Al Jazeera ប្រធានាធិបតីឥណ្ឌូណេស៊ីលោក Prabowo Subianto បានចាកចេញទៅកាន់ប្រទេសចិន ដើម្បីចូលរួមក្បួនដង្ហែទិវាជ័យជំនះក្នុងសង្គ្រាមលោកលើកទី២ នៅទីក្រុងប៉េកាំង បើទោះបីជាមានការតវ៉ាយ៉ាងហិង្សាជាច្រើនថ្ងៃនៅក្នុងប្រទេសជុំវិញការកើនឡើងនូវវិសមភាព និងបញ្ហាសេដ្ឋកិច្ចក្នុងប្រទេសក៏ដោយ។

ប្រធានាធិបតីឥណ្ឌូណេស៊ីលោក Prabowo Subianto (រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បាតុកម្មនេះកំពុងរីករាលដាលពាសពេញប្រទេស និងបានបណ្តាលឲ្យមនុស្សយ៉ាងតិច៦នាក់ស្លាប់ ត្រូវបានបង្កឡើងដោយការស្លាប់របស់អ្នករត់ម៉ូតូឌុបម្នាក់ដែលត្រូវបានវាយប្រហារដោយរថយន្តប៉ូលិសក្នុងទីក្រុងហ្សាការតា។ បន្ទាប់ពីហេតុការណ៍នេះក្រុមអ្នកតវ៉ាបានវាយលុកទីតាំងប៉ូលិស អគាររដ្ឋាភិបាល និងផ្ទះរបស់សមាជិកសភា រួមទាំងរដ្ឋមន្ត្រីក្រសួងហិរញ្ញវត្ថុផងដែរ។

ជាការឆ្លើយតប លោក Prabowo បានសន្យាថានឹងមានការស៊ើបអង្កេតប្រកបដោយតម្លាភាពលើការស្លាប់នេះ កាត់បន្ថយអត្ថប្រយោជន៍ផ្នែកហិរញ្ញវត្ថុរបស់សមាជិកសភា និងដាក់ពង្រាយយោធាដើម្បីស្តារសណ្តាប់ធ្នាប់ ខណៈពេលដែលបានព្រមានថាផ្នែកខ្លះនៃការតវ៉ាមានពាក់ព័ន្ធនឹងការក្បត់ជាតិ និងអំពើភេរវកម្ម។

អេក្រង់ទូរទស្សន៍មួយបង្ហាញប្រធានាធិបតីឥណ្ឌូណេស៊ី Prabowo Subianto មកដល់សម្រាប់ក្បួនដង្ហែយោធារំលឹកខួបលើកទី ៨០នៃការបញ្ចប់សង្គ្រាមលោកលើកទី ២ ក្នុងទីក្រុងប៉េកាំងប្រទេសចិន។(រូបភាព៖ Reuters)

ទោះយ៉ាងណាក្រុមសិទ្ធិមនុស្សបានរិះគន់ការឆ្លើយតបរបស់លោក Prabowo ថាមិនទាន់គ្រប់គ្រាន់នោះទេ ដោយជំរុញឲ្យមានការផ្លាស់ប្តូរគោលនយោបាយកាន់តែស៊ីជម្រៅដើម្បីដោះស្រាយការមិនពេញចិត្តសាធារណៈ។

គួរបញ្ជាក់ថាការប្រារព្ធខួបលើកទី ៨០ នៃការបញ្ចប់សង្គ្រាមលោកលើកទីពីរ ប្រទេសចិននឹងបង្ហាញសព្វាវុធទំនើបៗ ខណៈនឹងមានការចូលរួមពីមេដឹកនាំធំៗលោកប្រធានាធិបតីរុស្ស៊ី លោក វ្ល៉ាឌីមៀរ ពូទីន លោក គីម ជុងអ៊ុន ប្រធានាធិបតីកូរ៉េខាងជើង និងប្រធានាធិបតីអ៊ីរ៉ង់ រួមជាមួយមេដឹកនាំអាស៊ីមួយចំនួន៕