ព័ត៌មានអន្ដរជាតិ

រកឃើញអ្នកជំនួសតំណែងមេទ័ពភូមិភាគ២ លោក Boonsin Padklang

បានផុស

១១ ខែ មុន

នៅ

ថ្ងៃសុក្រ ៥ កញ្ញា ២០២៥

ដោយ

គេហទំព័ររាជកិច្ចព្រះមហាក្សត្រថៃ (Royal Gazette) បានចុះផ្សាយនូវសេចក្តីប្រកាសរបស់ទីស្តីការនាយករដ្ឋមន្រ្តី ចុះថ្ងៃទី៥ខែកញ្ញា ស្តីពីការតែងតាំងបុគ្គលិកយោធាចំនួន ៨៦២នាក់ រួមទាំងមេបញ្ជាការកងទ័ពថ្មី ដែលចូលជាធរមានចាប់ពីថ្ងៃទី១ ខែតុលា ឆ្នាំ២០២៥ តទៅ។

លោក ឧត្តមសេនីយ៍ទោ Weerayuth Raksil ត្រូវឡើងមកកាន់តួនាទីរបស់ មេបញ្ជាការភូមិភាគ២ លោក ឧត្តមសេនីយ៍ឯក Boonsin Padklang។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញផ្សាយរបស់សារព័ត៌មានថៃដែលស្រង់រាជកិច្ចនោះ បានលើកឡើងថា មេបញ្ជាការរងភូមិភាគ២ លោក ឧត្តមសេនីយ៍ទោ Weerayuth Raksil ត្រូវឡើងមកកាន់តួនាទីរបស់ មេបញ្ជាការភូមិភាគ២ លោក ឧត្តមសេនីយ៍ឯក Boonsin Padklang ដែលជាមេបញ្ជាការបង្កសង្គ្រាមពាក្យសម្តីនិងសង្គ្រាមប្រដាប់អាវុធ នៅតាមតំបន់ជាប់ព្រំដែនកម្ពុជា។

ការផ្លាស់ប្តូរសមាសភាពយោធាថៃទ្រង់ទ្រាយធំបែបនេះ កើតឡើងចំពេលដែលស្ថានការនយោបាយថៃគ្មានស្ថិរភាព ខណៈដែលរដ្ឋាភិបាលស៊ីវិលកំពុងរងភាពរង្គោះរង្គើយ៉ាងខ្លាំងដែលនឹងឈានទៅរំលាយសភាក្នុងពេលដ៏ឆាប់ខាងមុខនេះ។ លើសពីនេះ មានការលើកឡើងពីលទ្ធភាពនៃការធ្វើអន្តរាគមន៍ពីសំណាក់យោធាថៃដើម្បីទម្លាក់រដ្ឋាភិបាលស៊ីវិលដែលគ្មានក្បាលម៉ាស៊ីនជាក់លាក់នេះ។

តុលាការធម្មនុញ្ញបានសម្រេចបណ្តេញលោកស្រី ផែថងថាន ចេញពីតួនាទីដោយរកឃើញកំហុសនិយាយទូរស័ព្ទជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា ដែលតុលាការធម្មនុញ្ញចាត់ទុកថា ជាការរំលោភបំពាន់ក្រមរដ្ឋធម្មនុញ្ញធ្ងន់ធ្ងរ។

ចាប់តាំងពីពេលនោះមក ការដំណើរអំណាចក្នុងជួរគណបក្សនយោបាយថៃក៏បានចាប់ផ្តើម ហើយ នៅថ្ងៃសុក្រនេះ នាយករដ្ឋមន្ត្រីថ្មីត្រូវបានគេរំពឹងថា រកឃើញ ដើម្បីបំពេញកៅអីដែលនៅទំនេរ៕

រ៉ាន់ រើយ