កូវីដបំប្លែងខ្លួនរបស់អង់គ្លេស កំពុងឆ្លងខ្លាំងជាងប្រភេទដើម ១.៣២ ដង ក្នុងប្រទេស ជប៉ុន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

កូវីដបំប្លែងខ្លួនរបស់អង់គ្លេស កំពុងឆ្លងខ្លាំងជាងប្រភេទដើម ១.៣២ ដង ក្នុងប្រទេស ជប៉ុន

Published

on

ក្រុមអ្នកស្រាវជ្រាវជនជាតិជប៉ុនបានរកឃើញថា ជំងឺកូវីដ ១៩ បំប្លែងខ្លួនថ្មីរបស់អង់គ្លេសដែលរកឃើញនៅក្នុងប្រទេសជប៉ុនអាចចម្លងបានច្រើនជាងវីរុសដើមជាមធ្យម ១.៣២ ដង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវនៅវិទ្យាស្ថានជាតិប្រយុទ្ធនឹងជំងឺឆ្លងបានធ្វើការវិភាគលើការចម្លងនៃជំងឺកូវីដ ១៩ បំប្លែងខ្លួនថ្មីដែលត្រូវបានបញ្ជាក់ដំបូងនៅក្នុងប្រទេសអង់គ្លេសនេះ ពីករណីដែលបានរាយការណ៍នៅក្នុងប្រទេសជប៉ុនក្នុងអំឡុងពេល ៥០ ថ្ងៃ ហើយបានបញ្ចប់នៅថ្ងៃទី ២២ ខែមីនា ។

ក្រោយមកពួកគេបានរកឃើញថា វ៉ារ្យ៉ង់អង់គ្លេសមួយនេះពិតជាឆ្លងរាលដាលខ្លាំងជាងវីរុសដើមប្រាកដមែន ។

វ៉ារ្យ៉ង់នេះត្រូវបានគេរកឃើញភាគច្រើននៅតំបន់ Kansai ភាគខាងលិចប្រទេសជប៉ុននាពេលបច្ចុប្បន្ននេះ ប៉ុន្តែអ្នកវិទ្យាសាស្ត្របាននិយាយថា ករណីឆ្លងវ៉ារ្យង់នេះកំពុងតែកើនឡើងបន្តិចម្តងៗនៅក្នុងទីក្រុងតូក្យូ ។



ទន្ទឹមនោះប្រធានវិទ្យាស្ថានជាតិប្រយុទ្ធនឹងជំងឺឆ្លងគឺលោក Wakita Takaji បាននិយាយថា គាត់អាចសន្និដ្ឋានបានថា ក្នុងរយៈពេល ៥០ ថ្ងៃនៃការវិភាគលើវ៉ារ្យង់អង់គ្លេសគឺវាប្រាកដណាស់ឆ្លងរាលដាលខ្លាំងជាងវីរុសដើម ។

បន្ថែមពីនេះលោកក៏បានអំពាវនាវឲ្យមានការចាត់វិធានការប្រឆាំងនឹងការឆ្លងមេរោគយ៉ាងឆាប់រហ័ស ហើយបានព្យាករណ៍ថា វ៉ារ្យ៉ង់ដែលរកឃើញភាគច្រើននៅតំបន់ Kansai អាចបណ្តាលឲ្យមានការផ្ទុះរាលដាលកាន់តែធំឡើងនៅក្នុងតំបន់ទីក្រុងតូក្យូ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជប៉ុន ជំរុញបន្តវិធានការការពារប្រឆាំងកូវីដ ទោះអ្នកចាក់វ៉ាក់សាំងហើយក៏ដោយ

ចុចអាន ៖ មិនធម្មតា! មួយសប្ដាហ៍ ជប៉ុនរកឃើញអ្នកឆ្លងវីរុសបំប្លែងខ្លួនថ្មីជាង ១២០ ករណី

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services