ប្រជាជន មីយ៉ាន់ម៉ា ប្រាប់គ្នាកុំទិញផលិតផលចិន ក្រោយយោធាហៅក្រុងប៉េកាំងជាដៃគូយុទ្ធសាស្ត្រ

យោធាមីយ៉ាន់ម៉ានៅតែបន្តការបង្ក្រាបរបស់ខ្លួនទៅលើក្រុមបាតុករប្រឆាំងរដ្ឋប្រហារដែលបានសម្លាប់មនុស្សជាច្រើននាក់កាលពីថ្ងៃពុធ ។

ប្រជាជនកំពុងធ្វើដំណើរតាមដងផ្លូវនៅទូទាំងប្រទេសដើម្បីប្រឆាំងនឹងរដ្ឋប្រហារយោធាថ្ងៃទី ១ ខែកុម្ភៈ ខណៈនៅក្នុងទីក្រុងធំបំផុត យ៉ាំងហ្គោន បាតុកម្មកក៏នៅតែបន្តធ្វើឡើងរហូតថ្ងៃពុធដោយជំរុញឲ្យប្រជាជនកុំទិញផលិតផលចិន បន្ទាប់ពីយោធាមីយ៉ាន់ម៉ាហៅទីក្រុងប៉េកាំងថាជាដៃគូយុទ្ធសាស្ត្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយក្នុងស្រុកនិយាយថា យោធាបានប្រើកាំភ្លើងយន្ត និងគ្រាប់បែកដៃទៅលើក្រុមអ្នកតវ៉ានៅភាគពាយព្យនៃទីក្រុង Kale ។ ពួកគេនិយាយថា យ៉ាងហោចណាស់មានមនុស្ស ១៣ នាក់ត្រូវបានសម្លាប់នៅទូទាំងប្រទេសកាលពីថ្ងៃពុធ ខណៈចំនួនអ្នកស្លាប់ត្រូវបានគេរំពឹងថានឹងកើនឡើងបន្ថែមទៀត ។

ទន្ទឹមនោះក្រុមសិទ្ធិមនុស្សក្នុងតំបន់និយាយថា ជនស៊ីវិល ៥៩៨ នាក់ហើយត្រូវបានសម្លាប់ចាប់តាំងពីមានរដ្ឋប្រហារកាលពីដើមខែកុម្ភៈ ។

បន្ថែមពីនេះយោធាមីយ៉ាន់ម៉ាក៏បានធ្វើការវាយប្រហារតាមអាកាសប្រឆាំងនឹងក្រុមប្រដាប់អាវុធជនជាតិភាគតិចដែលគាំទ្រក្រុមបាតុករប្រឆាំងរដ្ឋប្រហារផងដែរ ។ កងទ័ពជើងគោកបានទៅដល់តំបន់ក្បែរព្រំដែនភាគអាគ្នេយ៍ប្រទេសថៃកាលពីថ្ងៃពុធ ហើយក៏បានប៉ះទង្គិចគ្នាជាមួយក្រុមប្រដាប់អាវុធជនជាតិភាគតិចការ៉ែននៅទីនោះ ។

ស្របពេលជាមួយគ្នានោះយោធាបានប្រកាសនៅលើទូរទស្សន៍រដ្ឋកាលពីថ្ងៃពុធថា ពួកគេក៏កំពុងដាក់សម្ពាធកាន់តែខ្លាំងឡើងៗលើតារាល្បីៗរួមទាំងតារាសម្តែង និងអ្នកចំរៀងផងដែរនៅក្នុងបញ្ជីឈ្មោះសម្រាប់ការចោទប្រកាន់ពីបទញុះញង់ប្រជាជនឲ្យចូលរួមក្នុងចលនាមិនគោរពច្បាប់ស៊ីវិល ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រជាជន មីយ៉ាន់ម៉ា គប់ថ្នាំលាបពណ៌ក្រហមលើផ្លូវតំណាងឈាមអ្នកស្លាប់ពីការបង្រ្កាបរបស់យោធា

ចុចអាន ៖ ឯកអគ្គរដ្ឋទូត មីយ៉ាន់ម៉ា ប្រចាំនៅចក្រភពអង់គ្លេស ត្រូវបានរារាំងមិនឲ្យចូលស្ថានទូតក្នុងទីក្រុង ឡុងដ៍