នាយករដ្ឋមន្ត្រីនេប៉ាល់ លាលែងតំណែង ស្របពេលប្រទេសកំពុងវឹកវរ ដោយសារបាតុកម្មហិង្សា

ទីបំផុត នាយករដ្ឋមន្ត្រីនេប៉ាល់ Khadga Prasad Sharma Oli បានសម្រេចលាលែងពីតំណែងហើយ បន្ទាប់ពីប្រឈមនឹងសម្ពាធ ដោយសារមហាបាតុកម្ម ដែលកំពុងបង្កភាពវឹកវរពេញប្រទេស។ នេះបើតាមការផ្សាយរបស់ RT នៅថ្ងៃអង្គារទី៩ខែកញ្ញាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការលាលែងនេះ រដ្ឋមន្ត្រីចំនួន៦នាក់ ក៏ត្រូវជម្លៀសតាមឧទ្ធម្ភាគចក្រឆ្ពោះទៅកាន់ទីតាំងសម្ងាត់ផងដែរ ចំពេលស្ថានការណ៍ក្នុងប្រទេសកាន់តែឡើងកម្តៅ។

សូមជម្រាបថា បាតុកម្មដ៏ហិង្សានេះផ្ទុះឡើងបន្ទាប់ពីការហាមឃាត់បណ្ដាញសង្គមដូចជា Facebook, Instagram, WhatsApp និង WeChat របស់រដ្ឋាភិបាលនេប៉ាល់ បន្ទាប់ពីក្រុមហ៊ុនទាំងនោះបដិសេធ ចុះឈ្មោះក្រោមច្បាប់ថ្មីរបស់រដ្ឋាភិបាល។

ក្រុមបាតុករក៏បានសម្តែងការខកចិត្តចំពោះវិសមភាពសេដ្ឋកិច្ច និងអំពើពុករលួយ ដោយចោទប្រកាន់នាយករដ្ឋមន្ត្រីលោក K.P. Sharma Oli ថាបានបំផ្លាញលទ្ធិប្រជាធិបតេយ្យ។

ការតវ៉ាដែលគេដាក់ឈ្មោះថា «Gen Z Protest» បានប្រែក្លាយជាអំពើហិង្សាឈានដល់ការសម្លាប់មនុស្ស១៩នាក់ នៅពេលកងកម្លាំងសន្តិសុខបានប្រើគ្រាប់កាំភ្លើងពិត និងកាណុងបាញ់ទឹកដើម្បីបំបែកហ្វូងមនុស្សនៅក្នុងទីក្រុង Kathmandu និងទីក្រុងដទៃទៀត៕

អត្ថបទ៖ សុខ សុវណ្ណ

ចុចអាន៖ ផ្ទុះបាតុកម្មហិង្សា សម្លាប់មនុស្ស១៩នាក់នៅនេប៉ាល់ ក្រោយរដ្ឋាភិបាលបិទខ្ទប់បណ្ដាញសង្គម