ព័ត៌មានអន្ដរជាតិ

នាយករដ្ឋមន្ត្រីថៃ Anutin កំណត់ថ្ងៃរំលាយសភា

បានផុស

១០ ខែ មុន

នៅ

ថ្ងៃព្រហស្បតិ៍ ២៥ កញ្ញា ២០២៥

ដោយ

Chheang

នាយករដ្ឋមន្ត្រីថៃ លោក Anutin Charnvirakul បាននិយាយកាលពីថ្ងៃពុធទី២៤ខែកញ្ញាថា លោកនឹងរំលាយសភានៅចុងខែមករាឆ្នាំក្រោយ ដោយជម្រះផ្លូវសម្រាប់ការបោះឆ្នោតសកលជ្រើសតាំងមេដឹកនាំថ្មី។

លោក Anutin Charnvirakul (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈសភាត្រូវបានរំពឹងថានឹងត្រូវរំលាយនៅខែមករាឆ្នាំ២០២៦ ការបោះឆ្នោតសកលថ្មីទំនងជានឹងធ្វើឡើងនៅចុងខែមីនា ឬដើមខែមេសា ដោយសារការបោះឆ្នោតត្រូវតែកើតឡើងក្នុងរយៈពេល ៤៥ ទៅ ៦០ថ្ងៃបន្ទាប់ពីការរំលាយសភា។

លោក Anutin ដែលជាមេដឹកនាំគណបក្ស Bhumjaithai បានក្លាយជានាយករដ្ឋមន្ត្រីទីបីរបស់ប្រទេសថៃចាប់តាំងពីខែសីហាឆ្នាំ២០២៣ បន្ទាប់ពីបានដកគណបក្សរបស់គាត់ចេញពីក្រុមចម្រុះដែលដឹកនាំដោយគណបក្សភឿថៃ និងបានឈ្នះការបោះឆ្នោតសភាកាលពីដើមខែកញ្ញានេះ។ លោកបានទទួលការគាំទ្រពីគណបក្សប្រជាជន ដែលទាមទារឲ្យមានការបោះឆ្នោតក្នុងរយៈពេលបួនខែជាលក្ខខណ្ឌសម្រាប់ការគាំទ្រលោក។

ការផ្លាស់ប្តូរជាញឹកញាប់នៅក្នុងជួររដ្ឋាភិបាល បានបង្កបញ្ហាជាច្រើនសម្រាប់ប្រទេសដែលមានសេដ្ឋកិច្ចធំទីពីររបស់អាស៊ីអាគ្នេយ៍មួយនេះ។

Anutin បានទទួលស្គាល់បញ្ហាប្រឈមនៃការស្ដារកំណើនសេដ្ឋកិច្ចឡើងវិញ ក្រោមគំនាបពន្ធរបស់សហរដ្ឋអាមេរិក បំណុលគ្រួសារខ្ពស់ និងការចំណាយរបស់អ្នកប្រើប្រាស់ធ្លាក់ចុះ។ លោកបានគូសបញ្ជាក់ពីផែនការរយៈពេលខ្លីរបស់រដ្ឋាភិបាលលោក ក្នុងការកាត់បន្ថយថ្លៃរស់នៅ និងផ្តល់ការគាំទ្រដល់កសិករដែលរងគ្រោះដោយការធ្លាក់ចុះតម្លៃដំណាំ៕

ដោយ៖ ឈាង