ព័ត៌មានអន្ដរជាតិ

តើតំណាងទីម័ររៀបរាប់អ្វីខ្លះ ក្នុងនាមអ្នកថ្លែងសារចុងក្រោយនៅ UNGA ឆ្នាំនេះ?

បានផុស

១០ ខែ មុន

នៅ

ថ្ងៃអង្គារ ៣០ កញ្ញា ២០២៥

ដោយ

ប្រទេសទីម័រជាប្រទេសទទួលបានឯករាជ្យក្មេងខ្ចី និងជាប្រទេសចុងក្រោយក្នុងការឡើងថ្លែងនៅឯសន្និបាតប្រចាឆ្នាំរបស់អង្គការសហប្រជាតិនៅទីស្នាក់ការកណ្តាលអង្គការសហប្រជាជាតិនៅទីក្រុងញូវយ៉កសហរដ្ឋអាមេរិក ដោយរៀបរាប់អំពី ភាពឥតសណ្តាប់ធ្នាប់នៃពិភពលោក និងការមិនគោរពច្បាប់អន្តរជាតិ គឺជាគ្រោះថ្នាក់នៃប្រទេសតូចៗ។

ទីម័រទទួលបានឯករាជ្យពីប្រទេសឥណ្ឌូណេស៊ីកាលឆ្នាំ២០០២ ហើយជាប្រទេសដែលថ្លែងសារចុងក្រោយបង្អស់នៅក្នុងសន្និបាតអង្គការសហប្រជាជាតិឆ្នាំ២០២៥។ ការថ្លែងសារចុងក្រោយបំផុតនេះ មិនមែនបានន័យថា ប្រទេសទីម័រជាប្រទេសទទួលបានឯករាជ្យចុងក្រោយនោះទេ ប៉ុន្តែត្រូវបានគេនិយាយថា ការដាក់សំណើយឺតពីរដ្ឋាភិបាលទីម័រ។

លោក Dionísio da Costa Babo Soares រដ្ឋមន្ត្រីក្រសួងការបរទេស។ UN

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់អង្គសន្និបាតអង្គការសហប្រជាជាតិ លោក Dionísio da Costa Babo Soares រដ្ឋមន្ត្រីក្រសួងការបរទេស និងសហប្រតិបត្តិការនៃទីម័រខាងកើតបានប្រកាសថា «ប្រព័ន្ធពហុភាគីគឺជាការចាំបាច់» នៅក្នុងបរិបទដែល «ពិភពលោកហាក់ដូចជាបោះជំហានដោយស្ម័គ្រចិត្តឆ្ពោះទៅរកការបំផ្លាញខ្លួនឯង»។

នៅក្នុងពេលដែលមហាអំណាចនិយាយលែងស្តាប់គ្នាបានទៅហើយនោះ រដ្ឋមន្ត្រីការបរទេសទីម័រ បានលើកឡើងថា ច្បាប់អន្តរជាតិគឺជា «ការធានាតែមួយគត់នៃយុត្តិធម៌ អធិបតេយ្យភាព និងឯករាជ្យជាតិ» សម្រាប់ប្រទេសតូចៗ ដោយលោកបានរំលឹកពីតួនាទីរបស់ខ្លួនក្នុងការធានាធនធានធម្មជាតិរបស់ប្រទេសលោក និងមតិប្រឹក្សារបស់តុលាការយុត្តធម៌អន្តរជាតិ (ICJ) នាពេលថ្មីៗនេះស្តីពីកាតព្វកិច្ចរបស់រដ្ឋជាមួយនឹងការប្រែប្រួលអាកាសធាតុ។

តាមខ្លឹមសារដែលផ្សព្វផ្សាយដោយភ្នាក់ងារព័ត៌មានអង្គការសហប្រជាជាតិ សម្រាប់ផ្នែករបស់ខ្លួន ទីម័រខាងកើតបានតម្រឹមគោលដៅអភិវឌ្ឍន៍ប្រកបដោយចីរភាពជាមួយនឹងគោលនយោបាយអភិវឌ្ឍន៍របស់ខ្លួន ដោយផ្តោតលើថាមពលកកើតឡើងវិញ និង «សេដ្ឋកិច្ចបៃតង»។

ប៉ុន្តែ គោលដៅមិនអាចសម្រេចបានដោយប្រទេសណាមួយឡើយ។ ប្រទេសដែលមានការអភិវឌ្ឍតិច (LDC) អាស្រ័យលើជំនួយអភិវឌ្ឍន៍ សាមគ្គីភាព និងកិច្ចសហប្រតិបត្តិការអន្តរជាតិដើម្បីសម្រេចបានគោលដៅទាំងនោះ។ វាចាំបាច់ក្នុងការទទួលស្គាល់កាលៈទេសៈពិសេសនៃរដ្ឋកំពុងអភិវឌ្ឍន៍កោះតូចៗ ដូចដែលបានឆ្លុះបញ្ចាំងនៅក្នុងការប្តេជ្ញាចិត្តទីក្រុង Seville និងរបៀបវារៈ Antigua និង Barbuda សម្រាប់រដ្ឋដែនកោះតូចៗកំពុងអភិវឌ្ឍន៍។

លោកបានសង្កត់ធ្ងន់ថា៖«ការប្រែប្រួលអាកាសធាតុកំពុងធ្វើឱ្យខូចដល់សន្តិសុខស្បៀងដែលផុយស្រួយរួចសម្រេចមកហើយ ដោយធ្វើឱ្យប្រទេសរបស់យើងជួបគ្រោះមហន្តរាយធម្មជាតិ ដែលបង្វែរធនធានសំខាន់ៗទៅការកសាងឡើងវិញ និងជំនួយមនុស្សធម៌»។

ប្រទេសឧស្សាហកម្ម និងអ្នកបំពុលអាកាសធាតុធំៗ ត្រូវតែគោរពការប្តេជ្ញាចិត្តរបស់ពួកគេចំពោះកិច្ចព្រមព្រៀងទីក្រុងប៉ារីសស្តីពីការប្រែប្រួលអាកាសធាតុ និងកិច្ចព្រមព្រៀងអាកាសធាតុ Glasgow។ សន្និសីទស្តីពីការប្រែប្រួលអាកាសធាតុរបស់អង្គការសហប្រជាជាតិលើកទី៣០នៅទីក្រុង Belem ប្រទេសប្រេស៊ីល នឹងផ្តល់ឱកាសដើម្បីធ្វើដូច្នេះ។

ដូចគ្នានេះដែរ ការអំពាវនាវឱ្យមានកិច្ចសហប្រតិបត្តិការអន្តរជាតិកាន់តែច្រើន ដើម្បីអភិវឌ្ឍសមត្ថភាពបញ្ញាសិប្បនិមិត្ត (AI) និងឌីជីថលសម្រាប់ប្រទេសអភិវឌ្ឍន៍តិចតួច លោកបានគូសបញ្ជាក់ពីរបៀបដែលការវិនិយោគបែបនេះនឹងជំរុញកំណើនតាមរយៈការអនុវត្តក្របខ័ណ្ឌរដ្ឋាភិបាលអេឡិចត្រូនិក (e-government)៕

រ៉ាន់ រើយ