ការ​ធ្លាក់ចុះ​ទេស​ចរ​នៅ​ថៃ​ នាំ​​ឲ្យ​អាជីវករ​រអ៊ូរទាំ​​បាត់​បង់ចំណូលធ្លាប់ទទួលបាន

ក្រុមប្រឹក្សាទេសចរណ៍ថៃ (Tourism Council of Thailand – TCT) បានព្យាករថា ចំណូលពីទេសចរណ៍អន្តរជាតិក្នុងថៃសម្រាប់ឆ្នាំ ២០២៥ នឹងធ្លាក់ជាង ២០% បើប្រៀបធៀបនឹងឆ្នាំ ២០១៩។ ការធ្លាក់ចុះចំនួនភ្ញៀវទេសចរនៅឆ្នាំនេះ ត្រូវបានរំពឹងថា នឹងធ្លាក់ប្រមាណ ៦% នៅក្នុងចំណោមអ្នកទេសចរអន្តរជាតិ។

អ្នកវិភាគថា ការធ្លាក់ចុះវិស័យទេសចរណ៍នៅប្រទេសថៃ ជាពិសេសនៅពេលមានវិបត្តិពាណិជ្ជកម្ម ឬសង្គ្រាមក្នុងតំបន់ មានឥទ្ធិពលយ៉ាងខ្លាំងលើអាជីវករ និងសេដ្ឋកិច្ចក្នុងស្រុក។

ជាក់ស្ដែង ផលប៉ះពាល់សំខាន់ៗទាំំងនោះ បាននាំឲ្យ​អាជីវករ​ថៃរអួរទាំ​​បាត់​បង់ចំណូលប្រចាំថ្ងៃ ពីសណ្ឋាគារ។ សូម្បីតែភោជនីយដ្ឋាន, កាហ្វេ, និងបារ នៅតំបន់ទេសចរណ៍ ដូចជាខេត្ត ភូកេត, ទីក្រុងបាងកក សុទ្ធតែរងនូវការបាត់បង់ចំណូលរាប់លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមតែប៉ុណ្ណឹងទេ ឧស្សាហកម្មដឹកជញ្ជូន និងយន្តហោះ ក៏រងផលប៉ះពាល់ដែរ។ ការចុះចតយន្តហោះទំនេរឬតិច ខ្សោយចំណូលសម្រាប់ក្រុមហ៊ុនអាកាសចរណ៍ និងក្រុមហ៊ុនដឹកជញ្ជូនក្នុងស្រុក បានធ្វើឲ្យតាក់ស៊ី, កង់បី, ឬម៉ូតូឌុបពុំមានភ្ញៀវចេញចូលដូចពីមុន។ ឧស្សាហកម្មទំនិញ និងឯកជនកសិកម្ម ផលិតផលកសិកម្ម និងឥវ៉ាន់ដែលធ្វើឡើងដោយដៃ ដូចជាវត្ថុអនុសាវរីយ៍ ដែលពឹងផ្អែកលើទេសចរបរទេស ក៏មិនអាចលក់បានដែរ។ ជាងនេះទៅទៀត កសិករដែលផ្គត់ផ្គង់ផ្លែឈើ និងអាហារទៅតាមសណ្ឋាគារ/ភោជនីយដ្ឋានក៏រងផលប៉ះពាល់មិនធម្មតាដែរ។

សរុបជារួមមក ការធ្លាក់ចុះទេសចរនៅក្នុងប្រទេសថៃ បាននាំឲ្យអាជីវកររអូររទាំពីការបាត់បង់ប្រាក់ចំណូលដែលធ្លាប់ចូលសឹងតែរាល់ថ្ងៃ, អ្នកខ្លះដល់ថ្នាក់បាត់ការងារ និងសម្ពាធលើសេដ្ឋកិច្ចជាតិ។ ដូច្នេះហើយមិនថាតែអាជីវករនោះទេ ដែលរអ៊ូនោះ អ្នកដែលរងផលប៉ះពាល់ជាច្រើនផ្សេងទៀតក៏ពិបាករស់នៅ ប្រសិនបើប្រទេសថៃនៅតែបន្តធ្លាក់ចំណូលបែបនេះទៀត៕

អត្ថបទ៖ សាង ស្រីល័ក្ខ

ចុចអាន៖លោក ថាក់ស៊ីន ​ដាក់សំណើសុំ​លើក​លែង​ទោស ​ពី​ព្រះមហាក្សត្រ