សុខភាព
ពពួកសារធាតុចិញ្ចឹមរាងកាយចាំបាច់បំផុត ទប់ទល់នឹងវីរុសកូវីដ-១៩
សារធាតុចិញ្ចឹមក្នុងអាហារដែលយើងញ៉ាំចូលក្នុងខ្លួនពីមួយថ្ងៃទៅមួយថ្ងៃ សំខាន់ណាស់សម្រាប់រាងកាយបម្លែងវាឲ្យទៅជាថាមពល និងជាមុខងារការពារសុខភាពបានល្អ ចៀសផុតពីជំងឺនានា។ ស្របគ្នានេះ ការថែទាំសុខភាព និងប្រព័ន្ធភាពស៊ាំរបស់យើងដោយអាហារ និងសារធាតុចិញ្ចឹមផ្សេងៗ រឹតតែចាំបាច់ក្នុងពេលឥឡូវនេះ ដើម្បីការពារខ្លួនពីជំងឺផ្លូវដង្ហើមជាសកល។
មជ្ឈមណ្ឌលប្រយុទ្ធនឹងជំងឺឆ្លង (CDC) អាមេរិក អះអាងថា ត្បិតអាហារបំប៉នមិនអាចជួយព្យាបាល ឬការពារយើងមិនឲ្យឆ្លងវីរុសកូវីដ-១៩ បាន ក៏ប៉ុន្តែពពួកវីតាមីន និងជាតិរ៉ែមួយចំនួន អាចជួយដល់ដំណើរការរបស់ប្រព័ន្ធភាពស៊ាំ ដើម្បីប្រឆាំងនឹងការឆ្លងមេរោគ ក៏ដូចជាការរលាក និងការហើមនានា។ CDC អាមេរិកបន្តថា មធ្យោបាយល្អបំផុត ដើម្បីទទួលបានសារធាតុចាំបាច់ទាំងអស់នោះ គឺតាមរយៈអាហារដូចជា៖
វីតាមីន C៖ បន្លែ (Broccoli ប៉េងប៉ោះ ផ្កាខាត់ណា ដំឡូងបារាំង) និងផ្លែឈើ (គីវី ពពួកប៊ឺរី ក្រូច ម្នាស់…)
វីតាមីន D៖ ទឹកដោះគោមានជាតិខ្លាញ់ទាប អាហារសមុទ្រ ត្រីសាឌីន ថ្លើមសត្វ។ល។
ស័ង្កសី៖ គ្រាប់ស្វាយចន្ទី ទំពាំងបារាំង អយស្ទ័រ សាច់ក្រហម សាល់ម៉ុន សាច់មាន់ ស្ពៃពុយឡេង
ប្រូតេអ៊ីន៖ សាច់សត្វ ផ្លែប៊ើរ ស៊ុត ឈីស សណ្ដែក…
ទន្ទឹមនឹងនេះ អង្គការសុខភាពពិភពលោក (WHO) បានចេញការណែនាំឲ្យកាត់បន្ថយអាហារមានអំបិល ស្ករ និងខ្លាញ់ខ្ពស់ ដោយសារអាហារប្រភេទនេះ អាចបង្កបញ្ហាដល់សុខភាពច្រើនដូចជំងឺទឹកនោមផ្អែម លើសសម្ពាធឈាម ជំងឺធាត់ ឬអាចបង្កជាជំងឺបាក់ទឹកចិត្តបាន។ ជំងឺទាំងអស់នេះសុទ្ធតែពាក់ព័ន្ធជាមួយវីរុសកូវីដ-១៩ ធ្វើឲ្យអ្នកជំងឺធ្លាក់ខ្លួនឈឺធ្ងន់ធ្ងរ រហូតអាចស្លាប់បាន។
បន្ថែមពីលើនេះ យើងគួរកាត់បន្ថយភេសជ្ជៈកំប៉ុងដែលមានជាតិស្ករខ្ពស់ និងគ្រឿងស្រវឹងនានា។ ជាពិសេស ដើម្បីការពារខ្លួនយើងពីជំងឺកូវីដ-១៩យើងគួរកាត់បន្ថយការចេញទៅញ៉ាំអាហារនៅខាងក្រៅផ្ទះ និងងាកមកចម្អិនអាហារដោយខ្លួនឯង ដែលមានអនាម័យ និងចម្អិនឲ្យបានឆ្អិនល្អ មិនបារម្ភពីការឆ្លងជំងឺផ្សេងៗ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ការពារសុខភាព មកដឹងពីអាហារគួរ និងមិនគួរញ៉ាំអំឡុងពេលផ្ទុះកូវីដ-១៩
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១១ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ