សុខភាព

ការសិក្សាមួយរកឃើញថាអ្នកមានវីរុសកូវីដមិនអាចចម្លងទៅអ្នកផ្សេងក្រោយឆ្លង១១ថ្ងៃ

បានផុស

៥ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

Sonya

អ្នកវិទ្យាសាស្ត្របានលើកឡើងថាអ្នកឆ្លងវីរុស COVID-19 មិនអាចចម្លងបន្តទៅអ្នកដទៃក្រោយពីខ្លួនមានវីរុសនេះចាប់ពី១១ថ្ងៃទេ ទោះបីជាលទ្ធផលតេស្ដរបស់អ្នកទាំងនោះនៅមានលទ្ធផលតេស្តចេញមកថាវិជ្ជមានក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវរបស់សិង្ហបុរីបានរកឃើញថាអ្នកជំងឺអាចចម្លងវីរុសនេះបានក្នុងអំឡុងពេល២ថ្ងៃមុននឹងចេញរោគសញ្ញា។ អ្នកជំងឺនេះនឹងអាចមានលទ្ធភាពបន្តចម្លងទៅអ្នកផ្សេងទៀតចន្លោះ៧ទៅ១០ថ្ងៃក្រោយពីមានរោគសញ្ញាដូចជាគ្រុនក្ដៅក្នុងសីតុណ្ហភាពខ្ពស់ និងក្អក។ អ្នកស្រាវជ្រាវបានបន្តទៀតថា វីរុសCOVID-19 មិនអាចរស់នៅបានក្រោយពីឈឺរយៈពេល១១ថ្ងៃនោះទេ។

អ្នកស្រាវជ្រាវសិង្ហបុរីបានធ្វើការពិនិត្យទៅលើអ្នកជំងឺ COVID-19 ៧៣នាក់។ អ្នកស្រាវជ្រាវបានសិក្សាទៅលើវីរុសថាតើវីរុសអាចចម្លងពីអ្នកជំងឺទៅអ្នកដទៃទៀតបានឬយ៉ាងណា។ លទ្ធផលតេស្ដវិជ្ជមានរបស់អ្នកជំងឺដែលនៅមានរោគសញ្ញាក្រោយពីរយៈពេល២សប្តាហ៍គឺមកពីបំណែករបស់វីរុសដែលបំណែកនេះមិនចម្លងទៅអ្នកដទៃទៀតទេ។

អ្នកវិទ្យាសាស្ត្របានបន្ថែមទៀតថាផ្អែកទៅលើទិន្នន័យដែលប្រមូលបានចាប់តាំងពីមានជំងឺ COVID-19 នេះមក រយៈពេលចម្លងនៃអ្នកជំងឺមានរោគសញ្ញាអាចនឹងចាប់ផ្ដើម២ថ្ងៃមុនមានរោគសញ្ញា និងអាចបន្តចម្លងប្រហែល៧ទៅ១០ថ្ងៃក្រោយចេញរោគសញ្ញា។ កម្រិតវីរុសរស់នេះដែរនឹងមានការធ្លាក់ចុះយ៉ាងខ្លាំងក្រោយពីមួយសប្ដាហ៍ដំបូង ហើយគេមិនបានរកឃើញវីរុសដែលសកម្មបន្ទាប់ពីឈឺនៅសប្ដាហ៍ទីពីរទេ។

អ្នកវិទ្យាសាស្ត្រសង្ឃឹមថាការរកឃើញពីសមត្ថភាពនៃការចម្លងរបស់វីរុសនេះអាចនឹងជួយដល់មន្ទីរពេទ្យដឹងថាពេលណាត្រូវអនុញ្ញាតឲ្យអ្នកជំងឺត្រលប់ទៅផ្ទះវិញ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកជំនាញណែនាំ ផឹកទឹកឲ្យបានច្រើន មុននិងក្រោយពេលចាក់វ៉ាក់សាំង

ចុចអាន៖ អស់ចម្ងល់! មូលហេតុចាក់វ៉ាក់សាំងហើយឈឺត្រង់កន្លែងចាក់ និងវិធីដោះស្រាយងាយៗ

Related Topics:កូវីដ-១៩