Connect with us

សុខភាព

សារៈសំខាន់​នៃ​ការសង្គ្រោះ​ទារក​បន្ទាប់ពី​សម្រាល​ភ្លាមៗ​!

បានផុស

នៅ

​ការ​សម្រាល​បុត្រ​ប្រកបដោយ​សុវត្ថិភាព គឺជា​ការ​សម្រាល​ដោយមាន​សុវត្ថិភាព​ទាំង​ម្តាយ​ទាំង​កូន​។ ស្ថិតក្នុង​ស្ថានភាព​គ្រោះថ្នាក់ ប្រជាពលរដ្ឋ​យើង​មួយចំនួន​តែងតែ​ផ្តោតទៅលើ​សុវត្ថិភាព​មាតា​ច្រើនជាង​សុវត្ថិភាព​របស់​កូន​។ ជាការ​ចាំបាច់​ណាស់​ដែល​ត្រូវ​មាន​គ្រូពេទ្យ​មួយក្រុម​ដែល​ចាំ​ជួយសង្គ្រោះ​ទារក​ទើបនឹង​កើត​ភ្លាមៗ ឲ្យ​ផុតពី​គ្រោះថ្នាក់​ទាំងឡាយ​ដែល​កើត​នៅពេល​សម្រាល និង​ក្រោយ​សម្រាល​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​មាន​ម្តាយ​ប្រមាណ​ជា ១០% មាន​បញ្ហា​សុខភាព ដែល​ធ្វើឲ្យ​ទារក​កើតមក​ខ្សោយ​(​មិន​យំ​ជាដើម​)​។ ស្ថានភាព​នេះ​ចាំបាច់​ត្រូវ​មាន​គ្រូពេទ្យ​ជំនាញ​ផ្នែក​ទារក​ជួយសង្គ្រោះ​ត្រឹម​ត្រូវតែ​៤‐៥​នាទី​ដំបូង ហើយ​ជាពិសេស ១​នាទី​ដំបូង​នៅ​ពេល​កើត (​ជានា​ទី​មាស​) ដែល​មាន​សារៈសំខាន់​អាច​ជួយ​ឲ្យ​ទារក​ជៀស​ផុតពី​ពិការភាព ឬ​គ្រោះថ្នាក់​ដល់​ជីវិត​។​

​មាន​កត្តា​ធំ ៣ ដែល​បណ្តាល​ឲ្យ​ទារក​ប្រឈមមុខ​នឹង​គ្រោះថ្នាក់​ដូចជា​៖

១) កត្តា​សុខភាព​របស់​ម្តាយ​៖

– សម្រាល​ដោយ​ការវះកាត់​

– ជំងឺ​លើសឈាម ជំងឺ​បេះដូង ជំងឺ​ខ្សោយតម្រងនោម ជំងឺ​ទឹកនោមផ្អែម​

២) កត្តា​សុខភាព​របស់​ទារក​ដែល​បណ្តាល​ឲ្យទារក​ប្រឈមមុខ​នឹង​គ្រោះថ្នាក់​ដូចជា​៖

– ទារក​តូច​ពេក ទារក​ធំ​ពេក​

– ទារក​ខ្សោយ​ក្នុង​ពោះ​

– ទារក​កើត​មិន​គ្រប់​ខែ ទារក​កើត​លើស​ថ្ងៃ​

– សុក​ពាំង​មាត់ស្បូន​

– ក្រុម​ឈាម​ទារក​និង​ម្តាយ​ប្រឆាំង​គ្នា​

៣ ) កត្តា​នៃ​ការ​សម្រាល​ផ្ទាល់​៖

– ការ​សម្រាល​យូរពេក​

– បែក​ទឹកភ្លោះ​ឆាប់​ពេក​

– ទម្រង់​កូន​មិនធម្មតា (​បញ្ច្រាសជើង ទទឹង​ពោះ​ជាដើម​)

– ការ​ពពោះ​ច្រើនដង​

– ប្តូរ​ការ​សម្រាល​ធម្មតា ទៅ​ការវះកាត់​

– ប្រើ​ថ្នាំ​សណ្តំ​លើស​កម្រិត​

​ទារក​ប្រឈមមុខ​នឹង​គ្រោះថ្នាក់​ទាំងនេះ ចាំបាច់​ត្រូវ​មាន​គ្រូពេទ្យ​ជំនាញ​ផ្នែក​ទារក​ស្តែង​អំពី​តួនាទី​ដ៏​សំខាន់​របស់​គ្រូពេទ្យ​ជំនាញ​ផ្នែក​ទារក​ដែល​រង់ចាំ​ជួយសង្គ្រោះ​ទារក​ទើបនឹង​កើត​ភ្លាម​គឺ ក្នុង​បំណង​បញ្ចៀស​នូវ​គ្រោះថ្នាក់​ទាំងឡាយ​ ដែល​បណ្តាល​ឲ្យ​មាន​ពិការភាព​ខួរក្បាល ទោះជា​បណ្តាលមកពី​មូលហេតុ​អ្វី​ក៏ដោយ​។ ភាព​ពិការ​ខួរក្បាល​នេះ​ដូចជា អាការ​:​ប្រកាច់ ពិការ​ដៃជើង គ្មាន​បញ្ញា​ជាដើម នឹង​ក្លាយជា​បន្ទុក​ជាប្រចាំ​ក្នុង​ជីវិត និង​ធ្ងន់ធ្ងរ​ចំពោះ​ក្រុមគ្រួសារ និង​សង្គមជាតិ​។ ដូច្នេះ​ការសង្គ្រោះ​ទារក​ទើបនឹងសម្រាល​ភ្លាម​មាន​អត្ថន័យ​ស្មើនឹង​ការ​រំដោះ​បន្ទុក​ដ៏​ធ្ងន់ធ្ងរ​នេះ ដែល​ប្រជាពលរដ្ឋ​យើង​មិនទាន់​បាន​ដឹង​ទូលំទូលាយ​នៅឡើយ​។​

​ឆ្លៀត​ក្នុង​ឱកាស​នេះ សូម​អំពាវនាវ​ដល់​ស្ត្រី​មាន​ផ្ទៃពោះ​ទាំងអស់​មក​ទទួលយក​នូវ​សេវា​តាមដាន​ផ្ទៃពោះ ឲ្យ​បាន​ទៀងទាត់​តាម​ការ​ណាត់ជួប និង​មក​ទទួល​ព័ត៌មាន​លំអិត​អំពី​ការ​សម្រាល​បុត្រ វិធី​ថែទាំ និង​ព្យាបាល​នៅ​មន្ទីរពេទ្យ​កាល់ម៉ែត ដើម្បី​ទទួល​បាន​នូវ​សុវត្ថិភាព​ទាំង​ម្តាយ​ទាំង​កូន​៕

អត្ថបទ៖ ​រស្មី

សូមចុចអាន៖ ​តើ​ត្រូវធ្វើ​ដូចម្ដេច​នៅពេលទារក​ក្នុង​ផ្ទៃ​មាន​ភាពមិនធម្មតា តាមរយៈការ​ច្រឹប​យក​កោសិកា​ទារក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ២ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៣ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៣ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម