សុខភាព

ភេសជ្ជៈនិងអាហារបង្កគ្រោះថ្នាក់សុខភាព បើសិនទទួលទាននៅពេលរសៀល

បានផុស

៥ years មុន

នៅ

ថ្ងៃចន្ទ ២១ មិថុនា ២០២១

ដោយ

Sonya

ភាគច្រើនឱ្យតែរសៀលឡើង យើងតែងតែមានអារម្មណ៍អស់កម្លាំង ឃ្លាន ហើយត្រូវការទទួលទានអាហារសម្រន់ដើម្បីបន្ថែមថាមពល។ គ្នាយើងមួយចំនួន កុម្មង់អាហារអនឡាញ ឬផឹកកាហ្វេមួយកែវ ប៉ុន្តែរាងកាយបែរជាចុះខ្សោយលើសដើម។ នេះក៏ដោយសារតែអាហារទាំងនោះសម្បូរជាតិខ្លាញ់ រីឯជាតិកាហ្វេអ៊ីនជះឥទ្ធិពលអវិជ្ជមានដល់រាងកាយរបស់យើង។

Time restricted eating: Does it work, plus beginner's tips

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zoe Bindley-Pullin ជាអ្នកឯកទេសផ្នែកចំណីអាហាររបស់ អូស្ត្រាលី បានពន្យល់ថា «កាហ្វេជាថ្នាំបញ្ចុះទឹកនោម វាអាចធ្វើឱ្យដំណើរការនៃការស្រូបយកសារធាតុរាវពីរាងកាយ និងរារាំងដល់ការរំលាយជាតិដែក។ លទ្ធផលចុងក្រោយនៃការផឹកកាហ្វេមួយពែងជាញឹកញាប់នាពេលរសៀលនឹងធ្វើឱ្យថាមពលកាន់តែចុះខ្សោយបន្តិចម្ដងៗ»។

ក្រុមអ្នកជំនាញផ្នែកអាហាររូបត្ថម្ភដទៃទៀតបានចង្អុលបង្ហាញថា ជាតិកាហ្វេអ៊ីនអាចផ្តល់ថាមពលក្នុងរយៈពេលដ៏ខ្លី ប៉ុន្តែវានឹងធ្លាក់ចុះមកវិញយ៉ាងឆាប់រហ័ស។ រាងកាយរបស់យើងនឹងត្រឡប់ទៅជាអស់កម្លាំង បន្ទាប់ពីការបរិភោគបានប្រហែលជា ១ ម៉ោង។ មិនតែប៉ុណ្ណោះ ភេសជ្ជៈប៉ូវកម្លាំងដែលមានផ្ទុកជាតិស្ករច្រើនក៏មិនមែនជាជម្រើសល្អសម្រាប់រាងកាយដែរ។

ក្រៅពីភេសជ្ជៈ ក៏មានអាហារមួយចំនួនដែលយើងមិនគួរបរិភោគនៅពេលរសៀលដូចគ្នា។

លោក Bingley-Pullin បាននិយាយថា អាហារដែលអាចញ៉ាំបានភ្លាមៗដូចជា ដំឡូងចៀន នំប៉័ងបឺរហ្គឺរ ឬស្ករគ្រាប់។ល។ មានផ្ទុកជាតិស្ករកម្រិតខ្ពស់ ដែលវាអាចផ្តល់ថាមពលដល់យើងបានតែមួយភ្លែត ប៉ុន្តែក្នុងពេលដល់ខ្លីភាពអស់កម្លាំងនឹងចូលមកវិញ។ មួយវិញទៀតប្រភេទអាហាដែលសម្បូរទៅដោយជាតិអំបិលខ្ពស់ រឹតតែមិនមែនជាជម្រើសល្អសម្រាប់អាហារពេលល្ងាចនោះដែរ។

How to Make a Burger Patty — Best Way to Cook a Perfect Burger

អ៊ីចឹង! តើគួរតែបរិភោគអ្វីនៅក្នុងពេលម៉ោង ៣ រសៀល? អ្នកជំនាញបានផ្តល់អនុសាសន៍ឱ្យបរិភោគប៉ោម គ្រាប់ល្ពៅ ស្វាយចន្ទី ឬសណ្កែកដី សុទ្ធតែជាជម្រើសដ៏ល្អមានគុណសម្បត្តិម្យ៉ាងម្នាក់៕

ប្រែសម្រួល៖ សន្យា

ប្រភព៖ Prevention

ចុចអាន៖ ផ្លែត្របែកផ្ទុកទៅដោយសារជាតិចិញ្ចឹមជាច្រើន រួមទាំងជំនួយដល់ស្បែកពីខាងក្នុង

ចុចអាន៖ អ្នកស្រាវជ្រាវជឿថាហាត់ប្រាណពេលព្រឹក អាចបន្ថយហានិភ័យកើតជំងឺមហារីក