ប្រុងប្រយ័ត្ន! មនុស្ស៤ប្រភេទនេះ ងាយឆ្លងវីរុស Delta ខ្លាំងបំផុត

ទិន្នន័យនៅក្នុងប្រទេសអង់គ្លេស បានបង្ហាញពីក្រុមមនុស្សដែលងាយរងគ្រោះបំផុត ចំពោះវីរុសបំប្លែងខ្លួនឥណ្ឌា (Delta)។

ស្របពេលដែលវីរុសនេះកំពុងវាយប្រហារទូទាំងពិភពលោក ហើយចូលមកដល់ប្រទេសកម្ពុជាផងដែរនោះ ទិន្នន័យចុងក្រោយពីសេវាសុខភាពសាធារណៈអង់គ្លេសបានបង្ហាញថា ក្រុមមនុស្ស៤ប្រភេទ គឺមនុស្សវ័យក្មេង មនុស្សវ័យចំណាស់ អ្នកមិនទាន់ចាក់វ៉ាក់សាំងសោះ និងអ្នកមិនទាន់ចាក់វ៉ាក់សាំងបានគ្រប់២ដូស គឺងាយនឹងឆ្លងវីរុសបំប្លែងខ្លួននេះបំផុត។ 

ក្នុងចំណោមក្រុមទាំង៤ មនុស្សវ័យចំណាស់ ងាយប្រឈមហានិភ័យនៃការស្លាប់ខ្លាំងជាងគេ។

ករណីចំនួន ៩២,០២៩ករណីដែលអង់គ្លេសរកឃើញចន្លោះដើមខែកុម្ភៈ ដល់ពាក់កណ្តាលខែមិថុនា គឺជាវីរុសបំប្លែងខ្លួន Delta។

ស្ទើរតែ៨២,៥០០នាក់នៃករណីទាំងនេះ ត្រូវបានកត់ត្រានៅក្នុងចំណោមមនុស្សដែលមានអាយុក្រោម៥០ឆ្នាំ ហើយភាគច្រើនពោលគឺ៥៣,៨២២ករណី ត្រូវបានរកឃើញនៅក្នុងក្រុមមនុស្សមិនចាក់វ៉ាក់សាំង។

ចំពោះ ក្នុងចំណោមករណីនៅក្នុងក្រុមដែលមិនចាក់វ៉ាក់សាំង ភាគច្រើនគឺស្ថិតក្នុងក្រុមអាយុក្រោម៥០ឆ្នាំ (៥២,៨៤៦ ករណី) ហើយមានតែ៩៧៦ករណីប៉ុណ្ណោះ ស្ថិតក្នុងក្រុមអាយុលើស៥០ឆ្នាំ។

ទោះយ៉ាងណា ទិន្នន័យបានបង្ហាញថា មានមនុស្សស្លាប់ចំនួន ១១៧ នាក់ដោយសារវីរុស Delta នៅក្នុងប្រទេសអង់គ្លេស ហើយភាគច្រើនស្ថិតក្នុងក្រុមអាយុលើស ៥០ ឆ្នាំ៕

ប្រែសម្រួល៖ Vann Vann

ប្រភព៖ TOI

ចុចអាន៖ WHO ព្រមានថា ពិភពលោកកំពុងស្ថិតក្នុង ពេលវេលាគ្រោះថ្នាក់បំផុត