សុខភាព

រោគសញ្ញា ៤ ប្រភេទគួរតាមដានឲ្យម៉ត់ចត់ ចៀសវាងនាំធ្ងន់នៅសម័យ Delta រាតត្បាត

បានផុស

៣ years មុន

នៅ

ថ្ងៃព្រហស្បតិ៍ ២៦ សីហា ២០២១

ដោយ

ជំងឺអាឡ័កស៊ី ផ្តាសាយ គ្រុនផ្តាសាយធំ និងកូវីដ ១៩ គឺជារោគសញ្ញាដែលស្រដៀងគ្នា ហើយលក្ខណៈរបស់វាគឺជាការឆ្លងមេរោគផ្លូវដង្ហើម មានចាប់ពីស្រាលទៅធ្ងន់ធ្ងរ។ ការដឹងពីរោគសញ្ញាទាំងអស់នៃជំងឺនេះ នឹងជួយញែកចេញពីគ្នា ដើម្បីកាត់បន្ថយការថប់បារម្ភ ដើម្បីកុំឲ្យភ័យស្លន់ស្លោច្រើនពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ អាឡ័កស៊ី គឺជាជំងឺដែលបណ្តាលមកពីការឆ្លើយតបរបស់រាងកាយ ចំពោះអាឡ័កស៊ីដែលងាយនឹងប្រតិកម្មជាងធម្មតា។ នេះបណ្តាលឲ្យមានភាពមិនប្រក្រតីចំពោះសរីរាង្គ ដែលប្រឈមនឹងអាឡ័កស៊ីដែលនីមួយៗមានរោគសញ្ញាខុសៗគ្នា និងភាពធ្ងន់ធ្ងរមិនស្មើគ្នា។

រោគសញ្ញានៃអ្នកជំងឺអាឡ័កស៊ីរួមមាន៖ កន្ទួល រមាស់ច្រមុះ កណ្តាស់ ទឹកភ្នែកហូរ តឹងច្រមុះ ក្អក តឹងទ្រូង ពិបាកដកដង្ហើម អាចមានហៀរសំបោរ។ ចំពោះអ្នកដែលមានអាឡ័កស៊ីជាប្រចាំ បើមិនថែរក្សាខ្លួនឲ្យបានល្អទេ អ្នកទំនងជាងាយឆ្លងកូវីដ ។ ចំណែកការព្យាបាល គួរតែថែរក្សាខ្លួនឯង ចៀសវាងថ្នាំរំញោចអាឡ័កស៊ី។

២ ផ្តាសាយ គឺជាជំងឺឆ្លងទូទៅវាបណ្តាលមកពីការឆ្លងមេរោគ ដែលក្នុងនោះមានច្រើនប្រភេទ។ ជារឿយៗវាត្រូវបានគេរកឃើញក្នុងកំឡុងពេលមានការប្រែប្រួលអាកាសធាតុ។ ភាពធ្ងន់ធ្ងរនៃជំងឺនេះមិនខ្ពស់ទេ ហើយអាចជាសះស្បើយក្នុងរយៈពេលពីរបីថ្ងៃ និងឆ្លងតាមរយៈទឹកមាត់និងការដកដង្ហើម ការបែកខ្ញែកពីការក្អកកណ្តាស់ឬដៃប្រឡាក់ដោយមេរោគដែលប៉ះច្រមុះឬភ្នែក។

រោគសញ្ញានៃជំងឺផ្តាសាយរួមមាន៖ ការកកស្ទះច្រមុះ ក្អកជាមួយsputum កណ្តាស់ ឈឺក ភាពស្អក អាចមានគ្រុនក្តៅទាប ឈឺក្បាលបន្តិច។ មនុស្សពេញវ័យរោគសញ្ញាមានតិចតួចបំផុត អាចមានតែការកកស្ទះច្រមុះនិងហៀរសំបោរ (លើកលែងតែអ្នកដែលមានជំងឺមូលដ្ឋានដូចជាជំងឺផ្លូវដង្ហើម) ។ រោគសញ្ញានៃជំងឺនេះជាធម្មតាមានរយៈពេលមិនលើសពី ២ ទៅ ៥ ថ្ងៃទេ ប៉ុន្តែអាចមានអាការហៀរសំបោររយៈពេល ១០ ទៅ ១៤ ថ្ងៃ។

៣ គ្រុនផ្តាសាយធំ បង្កឡើងដោយការឆ្លងមេរោគផ្តាសាយ វាគឺជាការឆ្លងមេរោគគ្រុនយូរអង្វែង។ រោគសញ្ញាជាធម្មតាស្រាល។

រោគសញ្ញាចម្បងនៃជំងឺផ្តាសាយគឺ៖ ក្តៅខ្លួនច្រើនថ្ងៃ ឈឺក្បាល ឈឺសាច់ដុំ ក្អកស្ងួត កណ្ដាស់ ឈឺក ពេលខ្លះច្រមុះមានហៀរសំបោរ។

រោគសញ្ញានេះអាចស្រដៀងនឹងកូវីដ ប៉ុន្តែភាពខុសគ្នានោះគឺថាវាមិនមានរោគសញ្ញាដូចជា៖ ពិបាកដកដង្ហើម តឹងទ្រូងនៅពេលរោគសញ្ញាស្រដៀងគ្នានៅដំណាក់កាលដំបូងនៃជំងឺនេះ។

៤ ការឆ្លងមេរោគកូវីដ មនុស្សខ្លះអាចមិនមានរោគសញ្ញាធ្ងន់ធ្ងរទេ មើលទៅដូចជាជំងឺផ្ដាសាយធម្មតា។ ទន្ទឹមនឹងនេះមនុស្សខ្លះមានសភាពធ្ងន់ធ្ងរ អាចបង្កឲ្យមានជំងឺរលាកសួត។

រោគសញ្ញានៃកូវីដ ៖ ចាប់ផ្ដើមពី គ្រុន មានអារម្មណ៍អស់កម្លាំង ក្អកស្ងួត ពិបាកដកដង្ហើម ពេលខ្លះអាចមានឈឺបំពង់ក។ ជំងឺនេះអាចជាសះស្បើយដោយខ្លួនឯង បើមានលក្ខណៈស្រាលនិងអនុវត្តតាមវិធានការ។ លំនាំនៃការព្យាបាលតាមរោគសញ្ញាផ្សេងៗគ្នា ចំពោះបុគ្គលម្នាក់ៗ៕

ប្រែសម្រួល៖ សាង ស្រីល័ក្ខ

ប្រភព៖bangkokhospital

ចុចអាន៖មិនថាធ្ងន់ស្រាល ក្រោយជាពីកូវីដហាមដាច់ខាតប្រើរាងកាយធ្វើរឿងទាំងនេះ ប្រយ័ត្នពិបាកខ្លួន

ចុចអាន៖វ៉ាក់សាំងដូសទី ៣ លើសខ្វះថ្ងៃមិនបញ្ហា តែបើដល់ថ្ងៃចាក់ប្រហែសរឿងអស់នេះ អាចមានផលវិបាកធ្ងន់ធ្ងរ