ពាក់ម៉ាស ៣ស្រទាប់អំឡុងជំងឺរាតត្បាត អាចការពារបានកម្រិតណា?

ស្ថិតក្នុងវិបត្តិនៃមេរោគរាតត្បាត ពិភពលោកបានផ្លាស់ប្ដូរនិន្នាការថ្មី ដោយតម្រូវឱ្យគ្រប់គ្នាពាក់ម៉ាសជាប្រចាំ រាល់ពេលទៅកន្លែងសាធារណៈ ឬកន្លែងបិទជិតណាមួយ។ ការពាក់ម៉ាសបានក្លាយជាទម្លាប់ថ្មី និងបរិបទថ្មី ហើយមានអ្នកខ្លះ មិនជឿជាក់លើម៉ាសដែលខ្លួនកំពុងប្រើប្រាស់ឡើយ។

ជាមួយគ្នាដែរ មនុស្សមួយចំនួនទៀតមិនទុកចិត្តម៉ាសធម្មតាៗ រហូតឈានទៅដល់ការពាក់ពីរជាន់ទៀតផង។ នៅលើទីផ្សារបច្ចុប្បន្ន មានម៉ាសច្រើនប្រភេទណាស់ កំពុងចរាចរលក់ និងត្រូវបានអះអាងថា អាចការពារចម្លងមេរោគបានល្អម្យ៉ាងម្នាក់។

ចុះម៉ាស ៣ស្រទាប់វិញ តើអាចទប់ទល់មេរោគបានកម្រិតណា កំលុងពេលប្រើប្រាស់?

ម៉ាស ៣ស្រទាប់អាច​ការពារយើងបានមួយផ្នែក ដោយជួយទប់ទល់ការរីករាលដាល​នៃធាតុបង្កជំងឺ ​និង​មេរោគ​ឆ្លង​ចេញពីមាត់​ និងច្រមុះ​របស់អ្នកដទៃ​មកកាន់យើង។

លើសពីនេះវាអាចការពារប្រឆាំងនឹងវីរុស បាក់តេរី និងភ្នាក់ងារបង្ករោគដ៏គួរឱ្យខ្លាចដទៃ​ទៀតដែលយើងមិនអាចមើលឃើញដោយភ្នែកទទេ តាមរយៈការច្រោះយកបាក់តេរី និងវីរុសដែលមាននៅលើអាកាសប្រកប​ដោយប្រសិទ្ធភាព។ បន្ថែមពីលើនេះ វាអាចបន្សុទ្ធធូលី ឧស្ម័នពុលនៅលើអាកាស និងផ្តល់នូវការការពារដ៏មានប្រសិទ្ធភាពប្រឆាំងនឹងធូលី​អាឡ័កស៊ី​ ការចម្លងរោគ និងភ្នាក់ងារបង្ករោគដែលងាប់ផងដែរ។

មិនថាម៉ាសបែបណានោះទេ ឱ្យតែយើងប្រើបានត្រឹមត្រូវ ទោះមិនអាចការពារបាន​១០០% ក៏អាចកាត់បន្ថយអត្រាឆ្លងបានច្រើន ជាជាងលែងមុខទទេដោយគ្មានការពាក់ម៉ាសទាល់តែសោះ។ ដោយសារមូលហេតុទាំងនេះ ទើបគ្រប់គួរប្រកាន់ខ្ជាប់ការពាក់ម៉ាសជានិច្ច ដើម្បីការពារសុខភាពខ្លួនឯង ក៏ដូចជាមនុស្សជុំវិញខ្លួន៕

ប្រែសម្រួល៖ សន្យា

ចុចអាន៖ អ្នកជំនាញថា ម៉ាសប្រភេទនេះ ទើបមានសមត្ថភាពខ្លាំង ការពារវីរុសបំប្លែងខ្លួន Delta បាន

ចុចអាន៖ ពិតឬអត់! ពាក់ម៉ាសពីរជាន់អាចការពារការចម្លងវីរុសកូវីដបានល្អជាងពាក់តែមួយ?