អ្នកវិទ្យាសាស្រ្តម៉ិកស៊ិក ផលិតម៉ាសបន្សាបមេរោគកូវីដ-១៩

អ្នកស្រាវជ្រាវសាកលវិទ្យាល័យស្វយ័តជាតិម៉ិកស៊ិក (UNAM) បានផលិតម៉ាសដោយប្រើសារធាតុប្រាក់និងទង់ដែង មានសមត្ថភាពអាចបន្សាបវីរុស SARS-CoV-2 ដែលបណ្ដាលឱ្យកើតជំងឺកូវីដ-១៩។

ម៉ាសប្រភេទថ្មីដែល UNAM អះអាងថាអាចបន្សាបកូវីដ-១៩ ត្រូវបានហៅឈ្មោះថា “SakCu” ។ Sak មានន័យថា ប្រាក់ រីឯ Mayan និង Cu ជានិមិត្តសញ្ញាគីមីសម្រាប់ទង់ដែង។

ដើម្បីធ្វើតេស្តប្រសិទ្ធភាពម៉ាស អ្នកស្រាវជ្រាវបានយកមេរោគពីអ្នកជំងឺដែលមានផ្ទុកវីរុសកូវីដ-១៩ នៅមន្ទីរពេទ្យ Juarez ប្រទេសម៉ិកស៊ិក រួចដាក់វាលើហ្វីលសរសៃប្រាក់ និងបញ្ចូលទៅក្នុងសរសៃ Polypropylene។

លទ្ធផលបង្ហាញថា ពាក់ម៉ាសនេះអាចបន្សាបកំហាប់ដែលផ្ទុកវីរុសបាន ពេលវាខ្ទាតមកប៉ះ។ ប្រសិនបើកំហាប់វីរុសមានខ្ពស់ វីរុសនឹងបាត់ទៅវិញជាង ៨០%ក្នុងរយៈពេលប្រហែល ៨ ម៉ោង ហើយប្រសិនបើការផ្ទុកវីរុសមានកម្រិតទាប ក្នុងរយៈពេល២ម៉ោង វីរុសនឹងបាត់ទៅគ្មានសល់។

ទន្ទឹមនឹងនេះម៉ាស SakCu ប្រសិនត្រូវបោះចោលដោយមិនត្រឹមត្រូវ ក៏នឹងមិនបង្កបញ្ហាដែរ ព្រោះវាគ្មានភាពកខ្វក់ដូចម៉ាសទូទៅនោះទេ។ លក្ខណៈពិសេសរបស់ម៉ាសនេះអាចប្រើបានច្រើនដងរហូតដល់ ១០ដង ដោយការលាងសម្អាត និងមិនបាត់បង់ប្រសិទ្ធភាពឡើយ។

បច្ចុប្បន្ន UNAM មានសមត្ថភាពផលិតម៉ាស SakCu បាន ២០០ម៉ាសមួយថ្ងៃ ប៉ុន្តែមិនទាន់មានការចែកចាយនៅឡើយ៕

ប្រែសម្រួល៖ សន្យា

ប្រភព៖ REUTERS

ចុចអាន៖ អ្នកជំនាញ៖ ពាក់ម៉ាសមានខ្សែកាត់ពីលើមុខ នឹងបង្កើនការការពារប្រឆាំងនឹងវីរុសជិត ២ ដងឬទ្វេគុណ

ចុចអាន៖ អ្នកជំនាញថា ម៉ាសប្រភេទនេះ ទើបមានសមត្ថភាពខ្លាំង ការពារវីរុសបំប្លែងខ្លួន Delta បាន