ព័ត៌មានអន្ដរជាតិ
អ្នកវិទ្យាសាស្ត្រផលិតម៉ាសតេស្តកូវីដ-១៩ អាចរកឃើញវីរុសក្នុងរយៈពេល ៩០ នាទី
ថ្មីៗនេះអ្នកវិទ្យាសាស្ត្រអាមេរិកទើបបង្កើតម៉ាសបច្ចេកវិទ្យាចុងក្រោយ ដែលអាចរកឃើញវីរុសកូវីដ-១៩ក្នុងរយៈពេល ៩០ នាទី ដោយការតេស្តខ្យល់ដកដង្ហើម។
អ្នកស្រាវជ្រាវមកពីសាកលវិទ្យាល័យ Harvard និងវិទ្យាស្ថានបច្ចេកវិទ្យា Massachusetts (MIT) បានច្នៃបច្ចេកវិទ្យាសម្រាប់រកមេរោគអេបូឡានិងហ្សីកា ដោយអភិវឌ្ឍវាទៅជាឧបករណ៍ស្វែងវីរុសកូវីដ-១៩វិញកាលពីឆ្នាំមុន។ បច្ចុប្បន្ន បច្ចេកវិទ្យានេះត្រូវបានបញ្ចេញជាសាធារណៈ ដោយគេបានដាក់សមាសធាតុបង្កប់នៅខាងក្នុងម៉ាស។ វាអាចឱ្យយើងកំណត់ភាគល្អិតនៃវីរុសលើនរណាម្នាក់ នៅពេលដកដង្ហើមឬបញ្ចេញសកម្មភាព។
បណ្ឌិត Peter Nguyen អ្នកវិទ្យាសាស្ត្រស្រាវជ្រាវនៅសាកលវិទ្យាល័យហាវ៉ាដ និយាយថា “យើងបានសម្រួលការធ្វើរោគវិនិច្ឆ័យឱ្យមានភាពងាយស្រួលជាងមុន ដោយច្នៃឧបករណ៍ថ្មីដាក់ជាមួយម៉ាសពាក់ ហើយរួមបញ្ចូលនូវភាពត្រឹមត្រូវខ្ពស់ដូចទៅនឹងការធ្វើតេស្ត PCR ព្រមជាមួយនឹងល្បឿនលឿនផងដែរ។”
ម៉ាសថ្មីនេះ ជាឧបករណ៍ធ្វើតេស្តដំបូងបង្អស់ដែលអាចបញ្ជាក់លទ្ធផលវិជ្ជមានឬអវិជ្ជមាននៃវីរុសកូវីដ-១៩ បានយ៉ាងត្រឹមត្រូវដូចគ្នាទៅនឹងតេស្តស្តង់ដាដែរ ប៉ុន្តែខុសគ្នាត្រង់ថា គេត្រូវរក្សាវាទុកនៅក្នុងបន្ទប់ដែលមានសីតុណ្ហភាពត្រជាក់ និងស្ងួត។
អ្វីដែលកាន់តែទំនើបទៀតនោះគឺថា ក្រុមអ្នកវិទ្យាសាស្ត្រក៏កំពុងបង្កើតឧបករណ៍ម្យ៉ាងទៀតដែលអាចភ្ជាប់ជាមួយម៉ាសរួចបញ្ជូនលទ្ធផលធ្វើតេស្តតាមរយៈស្មាតហ្វូនភ្លាមៗផងដែរ ដោយពន្លឿនដំណើរការតេស្តកាន់តែរហ័ស និងអនុញ្ញាតឱ្យវេជ្ជបណ្ឌិតទទួលបានលទ្ធផល បើទោះបីនៅឆ្ងាយពីមន្ទីរពិសោធន៍ក៏ដោយ។
ការអភិវឌ្ឍថ្មីៗទាំងនេះ ធ្វើឡើងដើម្បីសម្រួលឱ្យមនុស្សងាយស្រួលធ្វើតេស្តនៅផ្ទះដោយខ្លួនឯង ហើយអាចទទួលបានលទ្ធផលតាមរយៈអនឡាញក្នុងរយៈពេលដ៏ខ្លី៕
ប្រែសម្រួល៖ សន្យា
ប្រភព៖ Daily Mail
ចុចអាន៖ ធ្លាប់ដឹងទេ! មកទល់ពេលនេះ គេប្រើឧបករណ៍អ្វីខ្លះដើម្បីកំណត់វីរុសកូវីដ-១៩?
ចុចអាន៖ ការចាក់វ៉ាក់សាំង២មុខលាយបញ្ចូលគ្នា បង្ហាញប្រសិទ្ធភាពនិងបង្កើតអង់ទីគ័រកម្រិតខ្ពស់
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ