សុខភាព

ចូលវ័យជ្រេហើយ គួរដឹងតិចនិកថែទាំភ្នែកឲ្យនៅភ្លឺ មានសុខភាពល្អ

បានផុស

៥ years មុន

នៅ

ថ្ងៃចន្ទ ១០ មករា ២០២២

ដោយ

តាមពិតទៅ យើងគ្រប់គ្នាគួរតែរៀនថែទាំភ្នែកឲ្យមានសុខភាពតាំងពីនៅក្មេងៗម្ល៉េះ ដើម្បីពេលវិវត្តវ័យទៅភ្នែកនៅតែភ្លឺមើលច្បាស់។ នៅពេលដែលវ័យយើងកាន់តែដើរទៅមុខ ហើយបើមិនបានថែទាំល្អទៀត សុខភាពភ្នែកអាចខ្សោយចុះ ងាយនឹងកើតជំងឺភ្នែកផ្សេងៗ។ ប៉ុន្តែ បើយើងចង់ឲ្យភ្នែកមើលច្បាស់មិនងាយឈឺ អាចចាប់ផ្ដើមថែទាំភ្នែកតាម ៤ តិចនិក ខាងក្រោម ធានាភ្នែកមានសុខភាពល្អ ទោះវ័យច្រើនទៅក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.គេងឲ្យបានគ្រប់គ្រាន់

ភ្នែកយើងត្រូវការគេងយ៉ាងតិច ៥ម៉ោង/យប់ ដើម្បីដំណើរការបានល្អអំឡុងពេលថ្ងៃ។ ដូចនេះការគេងមិនបានគ្រប់គ្រាន់អាចជាហេតុធ្វើឲ្យភ្នែកញាក់ ភ្នែកស្ងួត និងឡើងសរសៃក្រហម។

២.សម្រាកពីអេក្រង់

ជាទូទៅ អ្នកដែលធ្វើការជាមួយកុំព្យូទ័រ កម្រនឹងធ្មេចភ្នែកណាស់ ព្រោះកំពុងផ្ចង់អារម្មណ៍ធ្វើការ ដែលជាហេតុធ្វើឲ្យភ្នែកស្ងួត ស្ពឹក ឬមិនស្រណុក។ យើងគួរដាក់ពន្លឺអេក្រង់ឲ្យបានសមនឹងភ្នែកទទួលបាន សម្រាកភ្នែករាល់២០នាទី និងត្រូវឧស្សាហ៍ធ្មេចភ្នែកពេលកំពុងបំពេញការងារ។

៣.ញ៉ាំអាហារផ្ទុកសារធាតុប្រឆាំងអុកស៊ីដកម្មខ្ពស់

អាហារមួយចំនួនដែលផ្ទុកសារធាតុប្រឆាំងអុកស៊ីដកម្ម អាចកាត់បន្ថយហានិភ័យជំងឺភ្នែក និងបញ្ហាខូចភ្នែកដោយសារត្រូវពន្លឺថ្ងៃ ផ្សែងបារី និងខ្យល់ពុល។ យើងអាចរកវាបាននៅក្នុងស៊ុត បន្លែបៃតង ម្ទេសប្លោកក្រហម និងលឿង ប៉េងប៉ោះ។ល។

៤. ពិនិត្យសុខភាពភ្នែកជាប្រចាំ

ចំណុចនេះ ជាចំណុចសំខាន់បំផុតថែរក្សាភ្នែកឲ្យមានសុខភាពល្អ ជាពិសេសសម្រាប់មនុស្សចាស់។ យើងគួរពិនិត្យភ្នែកយ៉ាងតិច ២ឆ្នាំ/ម្តង ដើម្បីមើលស្ថានភាពភ្នែក ឬព្យាបាលជំងឺភ្នែកផ្សេងៗមុននឹងវាចេញរោគសញ្ញាខ្លាំង៕

អត្ថបទផ្ដល់ដោយ៖Hello Krupet

ចុចអាន៖គ្រោះថ្នាក់ទាំង ៥ នៃការប្រើប្រាស់ រោមភ្នែកក្លែងក្លាយ

ចុចអាន៖មានបញ្ហាទាំងនេះ ទើបភ្នែកមើលលែងសូវឃើញដូចមុន

Related Topics:សុខភាពភ្នែក