ការទទួលទានផ្សិត ជួយកាត់បន្ថយហានិភ័យជំងឺបាក់ទឹកចិត្ត និងថប់បារម្ភយ៉ាងមានប្រសិទ្ធភាព

អ្នកស្រាវជ្រាវនៅមហាវិទ្យាល័យវេជ្ជសាស្ត្រ Penn State បានរាយការណ៍ថា ការទទួលទានផ្សិតពិតជាអាចកាត់បន្ថយហានិភ័យនៃការវិវត្តន៍ជំងឺបាក់ទឹកចិត្ត និងជំងឺថប់បារម្ភយ៉ាងមានប្រសិទ្ធភាព ។

លោក Djibril Ba អ្នកដឹកនាំការពិសោធន៍មានប្រសាសន៍ថាផ្សិតផ្ទុកសារធាតុរ៉ែជាច្រើនដូចជា ប៉ូតាស្យូម និងអាស៊ីដអាមីណូ Ergothioneineដែលអាចកាត់បន្ថយនិភ័យនៃការវិវត្តជំងឺបាក់ទឹកចិត្ត និងជំងឺថប់បារម្ភ ។ គាត់បន្តទៀតថាបើរាងកាយយើងមានកម្រិត Ergothioneine ខ្ពស់វាអាចជួយការពារភាពតានតឹងអុកស៊ីតកម្មដែលដើរតួនាទីយ៉ាងសំខាន់ក្នុងការវិវត្តនៃជំងឺផ្លូវចិត្តផ្សេងៗ រួមទាំងជំងឺធ្លាក់ទឹកចិត្តផងដែរ ។

យោងតាមឯកសារស្រាវជ្រាវដដែល ផ្សិតក៏មានសារធាតុផ្សេងទៀតដូចជា វីតាមីន B12 សារធាតុប្រឆាំងអុកស៊ីតកម្ម និងភ្នាក់ងារប្រឆាំងការរលាកជាដើមដែលជួយកាត់បន្ថយសភាពថប់បារម្ភដូចគ្នា ។

យ៉ាងណាមិញលោក Ba បានបញ្ជាក់ថាគាត់មិនមានទិន្នន័យប្រភេទផ្សិតដែលអ្នកពិសោធន៍ទទួលទានច្បាស់លាស់ទេ ប៉ុន្តែផ្សិតទូទៅដែលយើងបរិភោគប្រចាំថ្ងៃសុទ្ធតែផ្ដល់ប្រយោជន៍ទាំងអស់ ៕

ប្រែសម្រួល ៖ វារី

ចុចអាន ៖ អាហារ ៧ ប្រភេទ អ្នកជំងឺបាក់ទឹកចិត្តមិនគួរបរិភោគ