សុខភាព
ទោះកូវីដថមថយ តែជំងឺ ២ប្រភេទ ក្លាយជាក្តីបារម្ភថ្មីរបស់ពិភពលោក
ស្របពេលដែលជំងឺកូវីដ-១៩ ថមថយការរាតត្បាត ស្រាប់តែជំងឺ ២ប្រភេទផ្សេងទៀត បានលេចឡើងជាច្រើនករណីគួរឱ្យកត់សម្គាល់ និងបានបង្កក្ដីបារម្ភថ្មីដល់ពិភពលោក។
១. ជំងឺរលាកថ្លើមកុមារ
អាជ្ញាធរសុខាភិបាលជុំវិញពិភពលោក កំពុងស៊ើបអង្កេតអំពីការផ្ទុះឡើងនៃជំងឺរលាកថ្លើមកុមារដ៏ធ្ងន់ធ្ងរ និងអាថ៌កំបាំង ខណៈបច្ចុប្បន្នករណីប្រហែល ៤៥០ ត្រូវបានរាយការណ៍នៅទូទាំងពិភពលោក។
ជំងឺរលាកថ្លើម ឬ Hepatitis ជាជំងឺដែលបណ្តាលមកពីការឆ្លងមេរោគ។ វិសាលភាពនៃជំងឺនេះ បានបង្កឲ្យមានការយកចិត្តទុកដាក់ទូទាំងពិភពលោកជាលើកដំបូង កាលពីខែមេសា ក្រោយពេលអាជ្ញាធរសុខាភិបាលចក្រភពអង់គ្លេស រាយការណ៍អំពីការរកឃើញជំងឺរលាកថ្លើមកុមារដ៏អាថ៌កំបាំងក្នុងអត្រាមិននឹកស្មានដល់។
ថ្វីបើកុមារភាគច្រើនអាចជាសះស្បើយពីជំងឺរលាកថ្លើមដ៏អាថ៌កំបាំងនេះក៏ដោយ ប៉ុន្តែភាពធ្ងន់ធ្ងរនៃករណីថ្មីៗ ដែលភាគច្រើនកើតឡើងចំពោះកុមារអាយុក្រោម៥ឆ្នាំ បានធ្វើឲ្យអ្នកជំនាញមានការព្រួយបារម្ភយ៉ាងខ្លាំង។ ក្នុងនោះកុមារប្រហែល ១០ភាគរយនៃករណីទាំងអស់ ត្រូវការប្តូរថ្លើមជាចាំបាច់។ បន្ថែមពីលើនោះ មជ្ឈមណ្ឌលការពារនិងគ្រប់គ្រងជំងឺអឺរ៉ុបបានឱ្យដឹងថា មានកុមារចំនួន ១១នាក់ហើយបានស្លាប់ដោយសារជំងឺនេះ។ បច្ចុប្បន្នវាត្រូវបានរកឃើញនៅក្នុងប្រទេសជាង ២០ហើយ។
២. ជំងឺអុតស្វា
បច្ចុប្បន្នជំងឺអុតស្វា (Monkeypox) កំពុងចាប់ផ្ដើមវាយលុកពិភពលោកគួរឱ្យបារម្ភ ខណៈពេលប៉ុន្មានសប្ដាហ៍មកនេះ វាបានកើតមានហោចណាស់ ២០ប្រទេសហើយរួមមាន បែលហ្សិក បារាំង អាល្លឺម៉ង់ អ៊ីតាលី ហុល្លង់ ព័រទុយហ្គាល់ អេស្ប៉ាញ ស៊ុយអែត ចក្រភពអង់គ្លេស សហរដ្ឋអាមេរិក កាណាដា អូស្ត្រាលី សាធារណរដ្ឋឆែក និងប្រទេសស្លូវេនី។ល។
អង្គការសុខភាពពិភពលោក (WHO) បាននិយាយថា មកទល់ពេលនេះជំងឺអុតស្វាបានចម្លងលើមនុស្សចំនួន ២៣៧ករណី ស្របពេលដែលបច្ចុប្បន្នប្រទេសដែលរាយការណ៍អំពីករណីនេះ បានកើនឡើងជាបន្តបន្ទាប់។
ទោះបីជាជំងឺអុតស្វា មិនរីករាលដាលងាយរវាងមនុស្សនិងមនុស្សក៏ពិតមែន ប៉ុន្តែមន្ត្រីជាន់ខ្ពស់នៃអង្គការសុខភាពពិភពលោក បានព្រមានពីការលេចឡើងបន្តទៀតនៃមេរោគនេះ ដោយសារវិធីព្យាបាល ឬវ៉ាក់សាំងមិនទាន់មានឱ្យប្រើប្រាស់នៅឡើយទេ៕
អត្ថបទ៖ សន្យា
ចុចអាន៖ ក្រោយឆ្លងអុតស្វា អ្នកជំងឺនឹងលេចចេញរោគសញ្ញាអ្វីខ្លះ?
ចុចអាន៖ WHO៖ មិនទាន់តម្រូវឲ្យមានការវ៉ាក់សាំងបន្ទាន់ដើម្បីទប់ស្កាត់ជំងឺអុតស្វាទេ
-
ចរាចរណ៍៦ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា២ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានជាតិ៤ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៣ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
វប្បធម៌ ជំនឿ៥ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ
-
ព័ត៌មានអន្ដរជាតិ១ សប្តាហ៍ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
សន្តិសុខសង្គម២ ថ្ងៃ ago
តុលាការផ្តន្ទាទោស លោក William Guang ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់
-
ព័ត៌មានអន្ដរជាតិ១ សប្តាហ៍ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?