ទីបំផុត អឺរ៉ុប មានអ្នកស្លាប់ទី១ ដោយសារជំងឺអុតស្វា

ប្រទេសអេស្ប៉ាញ បានរាយការណ៍ពីការស្លាប់ដោយសារជំងឺអុតស្វា ដំបូងគេនៅអឺរ៉ុប ក្នុងការផ្ទុះឡើងនាពេលបច្ចុប្បន្ន និងជាកន្លែងទីពីរនៅខាងក្រៅទ្វីបអាហ្រ្វិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួង​សុខាភិបាល​ប្រទេស​នេះ ​បាន​បញ្ជាក់​ពី​ការ​ស្លាប់​កាលពី​ថ្ងៃ​សុក្រទី២៩ខែកក្កដា ប៉ុន្តែ​មិន​បាន​បញ្ចេញ​ព័ត៌មាន​លម្អិត​បន្ថែម​អំពីបុគ្គលម្នាក់​នោះ​ទេ។

នៅក្នុងរបាយការណ៍ចុងក្រោយរបស់ខ្លួន ក្រសួងសុខាភិបាលអេស្ប៉ាញបាននិយាយថា ករណីអុតស្វាចំនួន ៤ ២៩៨ ត្រូវបានបញ្ជាក់នៅក្នុងប្រទេស។

ក្នុងចំណោមអ្នកជំងឺ ៣ ៧៥០ នាក់ មាន ១២០ នាក់តម្រូវឲ្យសម្រាកព្យាបាលនៅមន្ទីរពេទ្យពោលគឺស្មើនឹង ៣,២% និងម្នាក់បានស្លាប់។

កាលពីដើមខែនេះ ប្រធានអង្គការសុខភាពពិភពលោក (WHO) បានប្រកាសពីការផ្ទុះឡើងនៃជំងឺអុតស្វាជា “ភាពអាសន្នសុខភាពសកល”។

លោកវេជ្ជបណ្ឌិត Tedros Adhanom Ghebreyesus បានប្រាប់សន្និសីទសារព័ត៌មានថា ថ្វីបើហានិភ័យនៅទូទាំងពិភពលោកមានកម្រិត “មធ្យម” ក៏ដោយ ប៉ុន្តែនៅអឺរ៉ុបគឺ “មានហានិភ័យខ្ពស់ណាស់”៕

ប្រែសម្រួល៖ Vann Vann

ប្រភព៖ SKY

ចុចអាន៖ ប្រទេសអាស៊ីអាគ្នេយ៍មួយទៀត រកឃើញករណីជំងឺអុតស្វា ជាលើកដំបូង