សុខភាព
អ្នកវិទ្យាសាស្រ្តអាមេរិក បង្កើតមេរោគកូវីដកូនកាត់ដ៏សាហាវ មានអត្រាមរណភាពខ្ពស់ (មានវីដេអូ)
ក្រុមអ្នកវិទ្យាសាស្ត្រនៅសាកលវិទ្យាល័យបូស្តុន កំពុងបង្កឲ្យមានការខឹងសម្បា បន្ទាប់ពីអះអាងថា បានបង្កើតវីរុសកូវីដ១៩បំប្លែងខ្លួនកូនកាត់ប្រភេទថ្មី ដែលមានអត្រាមរណភាពរហូតដល់ទៅ ៨០% ដោយរួមបញ្ចូលគ្នានូវវីរុសបំប្លែងខ្លួន អូមីក្រុង ជាមួយមេរោគទម្រង់ដើម ដែលផ្ទុះចេញពីទីក្រុង អ៊ូហាន នៃប្រទេសចិន។
នៅក្នុងឯកសារស្រាវជ្រាវ ដែលចេញផ្សាយកាលពីសប្តាហ៍មុន ក្រុមអ្នកវិទ្យាសាស្ត្របានពន្យល់ថា ពួកគេបានញែក spike protein នៃវីរុសបំប្លែងខ្លួនអូមីក្រុង ហើយបញ្ចូលវាជាមួយពូជវីរុសដើម ដែលបង្កការចម្លងកាលពីដើមឆ្នាំ២០២០។
ការធ្វើបែបនេះ បានបង្កើតមេរោគកូនកាត់មួយដែលគេចផុតពីភាពស៊ាំបង្កឡើងដោយវ៉ាក់សាំង និងបង្កជំងឺធ្ងន់ធ្ងរលើសត្វកណ្ដុរក្នុងមន្ទីរពិសោធន៍ ពោលគឺ ៨០% នៃសត្វកណ្តុរ បានស្លាប់អំឡុងពេលធ្វើតេស្ត។
ថ្វីបើក្រុមនេះទទួលស្គាល់ថា ការចម្លងមេរោគរបស់ពួកគេ ទំនងជាមានលទ្ធភាពសម្លាប់មនុស្សតិចជាងសត្វកណ្តុរក៏ដោយ ប៉ុន្តែពួកគេបានរកឃើញថា វាផលិតភាគល្អិតមេរោគច្រើនជាង៥ដងនៅក្នុងកោសិកាសួតរបស់មនុស្ស បើប្រៀបធៀបទៅនឹងវីរុសបំប្លែងខ្លួន អូមីក្រុង។
ព័ត៌មាននៃការស្រាវជ្រាវនេះ បានបង្កឲ្យមានការខឹងសម្បា ព្រោះគេជឿថា ការស្រាវជ្រាវស្រដៀងគ្នាបែបនេះនៅវិទ្យាស្ថានមេរោគវិទ្យាអ៊ូហាន ក្នុងប្រទេសចិន គឺជាដើមហេតុបង្កឲ្យមានជំងឺរាតត្បាតកូវីដ១៩ជាសកល។
សហរដ្ឋអាមេរិក បានផ្តល់មូលនិធិដល់ការស្រាវជ្រាវបែបនេះនៅវិទ្យាស្ថាន អ៊ូហាន បើទោះបីជាគេនៅតែមិនច្បាស់ថា តើមេរោគកូវីដ ពិតជាមានប្រភពចេញពីមន្ទីរពិសោធន៍នោះមែនឬក៏យ៉ាងណា។
គួរបញ្ជាក់ថា ក្រុមនៅសាកលវិទ្យាល័យបូស្តុន មិនមែនជាក្រុមអ្នកវិទ្យាសាស្ត្រតែមួយ ដែលត្រលប់ទៅរកការស្រាវជ្រាវដ៏មានគ្រោះថ្នាក់ បន្ទាប់ពីជំងឺរាតត្បាតកូវីដ១៩នោះទេ។ EcoHealth Alliance ដែលជាក្រុមហ៊ុនឯកជន ត្រូវបានសហរដ្ឋអាមេរិក ផ្តល់ជំនួយឥតសំណងចំនួន ៦៥០ ០០០ ដុល្លារកាលពីខែមុន ដើម្បីសិក្សាអំពី សក្តានុពលសម្រាប់ការផ្ទុះឡើងនៃមេរោគប្រចៀវនាពេលអនាគត នៅក្នុងប្រទេសមីយ៉ាន់ម៉ា ឡាវ និងវៀតណាម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អ្នកវិទ្យាសាស្រ្ត ចង្អុលទៅកត្តាម្យ៉ាង អាចបង្កឲ្យមានជំងឺរាតត្បាត ថ្មីៗ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?