សុខភាព

ខែសីហា ឆ្នាំនេះ មន្ទីរពេទ្យគន្ធបុប្ផា ពិនិត្យព្យាបាលជំងឺកុមារ ជាង ៨ ម៉ឺននាក់

បានផុស

៣ years មុន

នៅ

ថ្ងៃអង្គារ ៥ កញ្ញា ២០២៣

ដោយ

នៅក្នុងខែសីហា ឆ្នាំ ២០២៣ នេះ មន្ទីរពេទ្យគន្ធបុប្ផា បានពិនិត្យព្យាបាលជំងឺដល់កុមារចំនួន ៨៥ ៨០៦ នាក់ និងកុមារមានជំងឺធ្ងន់ធ្ងរ ១៧ ៦៦៥ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានពិត នៃតួលេខ ក្នុងខែសីហា ឆ្នាំ ២០២៣ នៅមន្ទីរពេទ្យគន្ធបុប្ផា ដែលបានចុះផ្សាយ ថ្ងៃនេះ បានឲ្យដឹងថា កុមារឈឺចំនួន ៨៥ ៨០៦ នាក់ ត្រូវបានពិនិត្យព្យាបាលនៅក្នុងផ្នែកពិគ្រោះជំងឺក្រៅ។ ចំណែកកុមារមានជំងឺធ្ងន់ៗ ១៧ ៦៦៥ នាក់ ដាក់ឲ្យសម្រាកព្យាបាលនៅក្នុងមន្ទីរពេទ្យ។

ចំពោះកុមារមានជំងឺគ្រុនឈាម ចំនួន ២ ៩១២ នាក់ បានព្យាបាលនៅក្នុងមន្ទីរពេទ្យ និងកុមារ ២ ២៩៥ នាក់ ត្រូវបានទទួលការវះកាត់។ ហើយកុមារវះកាត់បេះដូង និងស្និតប្រហោងបេះដូងតាមសរសៃឈាម នៅមន្ទីរពេទ្យគន្ធបុប្ផាភ្នំពេញ និងសៀមរាប មាន ៧៦ នាក់។

ដោយឡែកនៅផ្នែកសម្ភព នៃមន្ទីរពេទ្យជ័យវរ្ម័នទី ៧ (គន្ធបុប្ផាទី ៣) ស្ត្រីមានផ្ទៃពោះចំនួន ៩ ៨៤៦ នាក់ បានមកពិនិត្យតាមដានផ្ទៃពោះ និងព្យាបាល ក្នុងផ្នែកពិគ្រោះជំងឺក្រៅ នៃមន្ទីរសម្ភព និងសម្រាលកូនបានចំនួន ១ ៨៦៥ នាក់។